आपलं प्रजासत्ताक या नावाने १९९८ च्या डिसेंबर महिन्यात विशेष अंक म्हणून सुरुवात झाली. काही महत्त्वाच्या दिनांचे औचित्य साधून नियमित अंक प्रकाशित करण्यात येत होते. दरम्यानच्या काळात अनेक पुरोगामी विचारांची दैनिकं नियमित प्रकाशित होऊ लागल्याने, अनियतकालिकं बंद झाली. तरीही आपलं प्रजासत्ताक अधून मधून प्रकाशित होत असे. मात्र नियमित प्रकाशनाकरिता रजिस्ट्रेशन अर्थात रितसर नोंदणी आवश्यक होती 2010 साली प्रजासत्ताक जनता  या नावाने एप्रिलच्या शेवटच्या आठवड्यात अधिकृत नोंदणी झाली. त्यानंतर 1 मे महाराष्ट्र दिन / कामगार दिनाचे औचित्य साधून नियमित अंकाची सुरुवात झाली... 14 वर्षापासून प्रजासत्ताक जनत्ता (साप्ताहिक) हे वर्तमानपत्र  नियमितपणे कधी प्रकाशनाच्या माध्यमातून तर कधी सोशल मिडियाच्या माध्यमातून लोकांपर्यंत पोहोचविण्याचा सातत्याने प्रयत्न करीत आहोत. अर्थात 2022 साली दैनिक स्वरुपात प्रकाशित करण्याचा प्रयत्न असफल झाला. काही चुका झाल्या. अनेकांनी सुरुवातीलाच याबाबत सावध रहा म्हणून सांगितले होते.

मात्र कोरोनाच्या लॉकडाऊन नंतर हाती नसलेले कोणतेही साधन यामुळे जो पर्याय मिळाला तो स्विकारावा लागला. पण तो अव्यवहार्य ठरला. मात्र वेळीच सावरून पुन्हा 1 जानेवारी 2023 पासून त्याचं प्रकाशन कुणाचाही सहभाग न घेता सोशल मिडियावर सुरु आहे. आता पुन्हा एकदा ही लेखणी कुणाच्या ऐऱ्यागैऱ्याच्या हाती जाणार नाही याची दक्षता जरूर घेतली जाईल. पण त्यासाठी आपल्या सारख्या मित्रमंडळीचं सहकार्य अपेक्षित आहे. केवळ बोलाची कढी आणि बोलाचा भात नव्हे तर जमेल त्या पद्धतीने जाहिरातीच्या माध्यमातून आर्थिक सहकार्य देखील अपेक्षित आहे. पोर्टल अर्थात webpageच्या माध्यमातून नियमितपणे बातम्या आणि इतर लेख प्रकाशित होत आहेत. Facebook, WhatsAppवर त्याची link पाठवली जात आहे. आपण ती जरूर forward/share करावी. . १५ व्या वर्षात पदार्पण केवळ आपल्यासारख्या मित्रमंडळी, लेखक, वाचक, हितचिंतक आणि जाहिरातदार यांच्यामुळेच शक्य झाले तेव्हा सर्वांचे मनस्वी आभार... 
Editor - Subodh Shakyaratn सुबोध शाक्यरत्न : 8108658970...Email- pr.janata@gmail.com