दिल्ली स्फोट हे सरकारचे पूर्णपणे अपयश आहे. सरकार मस्तीत आले होते. दिल्ली स्फोटात अंतर्गत की बाह्य शक्तीचा हात आहे? असा प्रश्न निर्माण होतो. ते म्हणतील की, अंतर्गत स्फोट झाले नाही, पण अंतर्गत स्फोट झाले आहेत. अंतर्गत स्फोटामध्ये जे काही साहित्य सापडले, ते आरएसएसच्या कार्यकर्त्यांकडे सापडले आहे, असा खळबळजनक आरोप वंचित बहुजन आघाडीचे राष्ट्रीय अध्यक्ष अॅड. प्रकाश आंबेडकर यांनी अकोला येथे केला.
लाल किल्ल्याजवळील पुरानी दिल्ली येथील परिसर राष्ट्रीय राजधानीतील सर्वात जास्त गर्दीच्या ठिकाणांपैकी एक आहे.- दिल्ली पोलिसांचे विशेष पथक परिसरात पोहोचले आहे. त्यांनी स्फोटाच्या ठिकाणी घेराबंदी केली आहे.- जुनी दिल्ली भागातील वाहतूक वळवण्यात आली आहे.- दिल्लीत हाय अलर्ट जाहीर करण्यात आला आहे. - दिल्ली पोलिसांनी केद्रींय गृह विभागाशी चर्चा केली - NIA ची टीम घटनास्थळी थोड्याच वेळात दाखल होणार आहे. - दिल्लीतील स्फोटानंतर मुंबईही हाय अलर्टवर - मुंबई पोलीस अलर्ट मोडवर असून, महत्वाच्या ठिकाणांवर मुंबई पोलिसाची करडी नजर आहे. स्फोटाच्या पार्श्वभूमीवर उत्तर प्रदेशात सतर्कतेचा इशारा देण्यात आला आहे. एएनआयशी (ANI) बोलताना, उत्तर प्रदेशचे एडीजी कायदा व सुव्यवस्था अमिताभ यश यांनी सांगितले की, डीजीपींनी उत्तर प्रदेशातील सर्व वरिष्ठ अधिकाऱ्यांना संवेदनशील धार्मिक स्थळे, संवेदनशील जिल्हे आणि सीमावर्ती भागांमध्ये सुरक्षा वाढवण्याचे निर्देश दिले आहेत. सर्व सुरक्षा यंत्रणांनाही सतर्क करण्यात आले आहे. उत्तर प्रदेशातील सर्व जिल्ह्यांमध्ये पोलिसांना सतर्क राहण्याचे आदेश दिले आहेत. संवेदनशील भागांमध्ये गस्त आणि तपासणी वाढवण्याचे आदेश लखनऊ येथून जारी करण्यात आले आहेत.
दिल्लीत घडलेली स्फोटाची घटना ही अत्यंत वेदनादायी आहे. दिल्लीमध्ये जे घडलं आणि ज्यांचा मृत्यू झाला त्यांच्या कुटुंबांप्रती मी सहवेदना व्यक्त करतो. जे लोक या घटनेत जखमी झाले त्यांना लवकर आराम मिळावा अशीही प्रार्थना मी करतो. केंद्रीय गृहमंत्री अमित शाह यांच्याशी माझी चर्चा झाली असून सद्यस्थितीचा आढावा घेतला आहे अशी पोस्ट पंतप्रधान नरेंद्र मोदी यांनी केली आहे.
“दिल्लीतील लाल किल्ला मेट्रो स्टेशनजवळ झालेल्या स्फोटाची बातमी खूपच दुःखद आणि चिंताजनक आहे. या दुःखद अपघातात अनेक निष्पाप जीव गमावल्याने दुःख झालं आहे. या दुःखद काळात ज्यांनी आपल्या प्रियजनांना गमावलं आहे, त्यांच्या कुटुंबांबरोबर मी आहे आणि माझ्या मनापासून संवेदना व्यक्त करतो. सर्व जखमी लवकरात लवकर बरे होतील अशी मी आशा करतो”, राहुल गांधीं.
"दिल्लीच्या लाल किल्ल्याजवळ झालेला स्फोट हृदयद्रावक आहे. या दुःखद घटनेतील दिवंगत आत्म्यांना मी श्रद्धांजली अर्पण करतो. शोकाकुल कुटुंबांसोबत माझ्या संवेदना आणि प्रार्थना आहेत. मृतांच्या आत्म्यांना शांती मिळो आणि जखमी लवकर बरे व्हावेत", देवेंद्र फडणवीस.
0 टिप्पण्या