दाभोळे : आगामी 2025/2026 स्थानिक स्वराज्य संस्थांच्या जिल्हा परिषद व पंचायत समिती निवडणुकांसाठी वंचित बहुजन आघाडीने दाभोळे जिल्हा परिषद गट आणि गणांमध्ये स्वबळावर उमेदवार उभे करण्याची घोषणा केली आहे. तिन्ही जागांवर ताकद दाखवण्याचा निर्धार पक्षाने व्यक्त केला असून ही माहिती पंचायत व जिल्हा परिषद प्रतिनिधींनी दिली.प्रस्थापित पक्षांनी बहुजन समाजाकडे दुर्लक्ष केल्याचा आरोप करत, “आमचा विकास कोण करणार यावर आता विश्वास उरलेला नाही. बहुजन, ओबीसी, एसटी, एससी, मुस्लिम बांधवांना एकत्र घेऊन सत्ताबदल घडवून आणण्याचा आमचा संकल्प आहे,” असे प्रतिनिधींनी सांगितले. तळागाळातील उपेक्षित, वंचित घटकांना संधी देत उमेदवार जाहीर करण्याचा निर्णय वंचित बहुजन आघाडीने घेतला आहे.
0 टिप्पण्या