कर्नाटकातील मंगळुरूजवळील धर्मस्थळ मंदिर संकुलात अनेक वर्षांपूर्वी शेकडो महिलांवर लैंगिक अत्याचार आणि हत्या करण्यात आल्याचा आरोप होत आहे. अत्याचारीत महिलांचे मृतदेह त्या संकुलात पुरण्यात आले होते. 100 पेक्षा अधिक महिलांचे मृतदेह नग्न अवस्थेत आढळ्याचा दावा करण्यात आला आहे. एका सफाई कर्मचाऱ्यानं पोलिसांसमोर एक धक्कादायक दाव्यामुळे भारतातील सर्वात मोठे बलात्कार प्रकरण आणि हत्यांकाड उघडकीस आले आहे. कर्नाटकातील मंगळुरूजवळ नेत्रावती नदीच्या काठावर वसलेल्या धर्मस्थळ मंजुनाथ (शिव) मंदिरातील पुजारी हिंदू आहेत. दररोज दूरदूरहून हजारो भाविक येथे दर्शनासाठी येतात. परंतु एका माजी मंदिर सफाई कामगाराच्या खुलाशामुळे मंदिर व्यवस्थापन अडचणीत आले आहे. त्याने अलीकडेच पोलिसांसमोर आणि न्यायालयात दावा केला की 1998 ते 2014 दरम्यान त्याला शाळकरी मुलींसह शेकडो महिलांना जाळण्यास आणि दफन करण्यास भाग पाडण्यात आले. बलात्कारानंतर त्या सर्वांची हत्या करण्यात आली. त्याने पोलिसांना दिलेल्या जबाबात म्हटले आहे की जर त्याने हे काम करण्यास नकार दिला तर त्याला तोंड बंद ठेवण्याची धमकी देण्यात आली होती आणि त्याच्या संपूर्ण कुटुंबासह त्याची हत्या केली जाईल. मंदिर व्यवस्थापनातील अनेक प्रभावशाली लोकही या गुन्ह्यात सहभागी होते. आता हे प्रकरण विशेष तपास पथकाकडे सोपवण्यात आले आहे.
त्याने पोलिसांना दिलेल्या जबाबात जे म्हटले होते तेच त्याने पुन्हा सांगितले." ज्या महिलांना जाळण्यात आले किंवा पुरण्यात आले त्यांच्या शरीरावर लैंगिक अत्याचार आणि जखमांच्या स्पष्ट खुणा होत्या. एकदा त्याने एका शाळकरी मुलीला तिच्या शाळेच्या ड्रेस आणि बॅगेसह पुरले होते. त्याने पुरलेल्या मृतदेहांचे फोटो आणि अवशेषांचे पुरावे पोलिसांना दिले आहेत. पण इतक्या वर्षांनी तो हे आरोप का करत आहे? पोलिस अधीक्षकांच्या म्हणण्यानुसार, त्या व्यक्तीने आपल्या निवेदनात म्हटले आहे की पीडितांना न्याय मिळण्याची चिंता आणि पश्चात्ताप त्याला शांततेत जगू देत नव्हता. म्हणूनच त्याने हे प्रकरण समोर आणण्याचा आणि या गुन्ह्यासाठी जबाबदार असलेल्या लोकांना शिक्षा करण्याचा निर्णय घेतला आहे. जुना खटलाही आता या तक्रारीनंतर समोर आला आहे. मुख्यमंत्री सिद्धरामय्या यांनी म्हटले आहे की या प्रकरणात कोणत्याही आरोपीला सोडले जाणार नाही. सरकार या प्रकरणाचा तपास करताना कोणत्याही दबावाखाली येणार नाही. या घटनेची चौकशी करण्यासाठी सरकारने अतिरिक्त पोलिस महासंचालक (एडीजीपी) प्रणव मोहंती यांच्या नेतृत्वाखाली विशेष तपास पथक (एसआयटी) स्थापन केले आहे. या पथकाला लवकरच अहवाल सादर करण्यास सांगण्यात आले आहे.
0 टिप्पण्या