सहा महिन्यापुर्वी अदानी समूहानं विमान सेवेत प्रवेश केला आहे. 'एअर वर्क्स' नांवाची विमान देखभाल, दुरुस्ती आणि ओव्हरहॉल कंपनी विकत घेऊन त्यांनी ही सुरूवात केली. नॅरो-बॉडी आणि टर्बोप्रॉप विमानांची देखभाल, दुरूस्ती सेवा करणारी ही भारतातली सर्वात मोठी कंपनी आहे... भारतातल्या हेलिकॉप्टर वगैरेंचीसुद्धा देखभाल करण्याचं काम या कंपनीकडे आहे. बोइंग ७३७ फॅमिलीच्या विमानांनासुद्धा ही कंपनी सेवा देते… पण परवा अपघात झालेले बोइंग ७८७ ड्रीमलाइनर, जे एक विशालकाय विमान आहे, तशा विमानांच्या देखभालीची कामं करण्याचं कंत्राट अजून अदानी समुहाच्या या कंपनीला मिळालेलं नाही. तिथं तगडी स्पर्धा आहे.
आपली निष्पाप माणसं दिवसेंदिवस हकनाक मारली जाताहेत म्हणून आपण सगळेच अस्वस्थ आहोत. मुद्याचं कुणीच बोलत नाही म्हणून आपली घुसमट वाढत चाललीय. 'पायलट शेवटच्या क्षणी काय बोलला?', 'शेवटचा सेल्फी कुणी कसा काढला?' हे सगळं ठीक आहे. पण आपण यापुढं कधी जाणार? मी चुकीचा असेन तर कुणी आणखी तज्ञ आणि ज्ञानी माणसानं यावर आणखी सखोलपणे प्रकाशझोत टाकल्यास ही अपघाताच्या मुळाशी जाण्यापासून दूर चाललेली चर्चा योग्य त्या पाॅवरनं 'टेकऑफ' घेईल अशी आशा आहे !
- किरण माने
0 टिप्पण्या