![](https://blogger.googleusercontent.com/img/b/R29vZ2xl/AVvXsEiZBmpqu-gqElhvEmIy673TUBHgHeg-L3K1EBibeRFa675l7zThkUFN0o_z4WBixLO7VzX9LC92AHmdIGlsFIgVkjj5baODepf9MzVQIrulGh83Q5DkcaixzM-0EOcOxrkjeJqE02n7rLk/s320/1+%25281%2529%25E0%25A5%25A8.jpeg)
![](https://blogger.googleusercontent.com/img/b/R29vZ2xl/AVvXsEigpB9hg6Pe5Fm7HhMgMjfUBD-s93E8l70q9_WI4Z3N-R-hJsL61CqmGIsQTJgknfvqfZFQdUV_F9rG7SDOPoPbab9hWL-G7riGeAAK7XCiCXRoAiZW2dW6MJBswbhUDi6_FIMGViDVTo0/s320/1+%25281%2529.jpeg)
घोलाईनगर येथील दरड दुर्घटनेनंतर अनधिकृत बांधकामांविरोधात वेगाने कारवाई करण्यासाठी कळवा प्रभाग समितीच्या सहायक आयुक्तपदी प्रणाली घोंगे यांची नियुक्ती झाली होती. हितसंबंध दुखावलेल्या राजकीय नेत्यांच्या दबावामुळे प्रणाली घोंगे यांची अवघ्या महिनाभरातच बदली करण्यात आली. सहायक आयुक्तपदावर नियुक्त केलेल्या अधिकाऱ्याला किमान दोन वर्षांचा कार्यकाळ दिला जातो. मात्र, आयुक्तांनी राजकीय दबावापोटी घोंगेंची बदली केली. तर सहायक आयुक्तपदाचा कार्यभार शंकर पाटोळे यांच्याकडे सोपविला. यापूर्वीही पाटोळे यांच्याकडे कळवा प्रभाग समितीची सुत्रे होती. त्यावेळीही मोठ्या प्रमाणावर अनधिकृत बांधकामे झाली होती. अशा परिस्थितीत अनधिकृत बांधकामे रोखणार कोण? असा सवाल संजय वाघुले यांनी केला आहे.
पाटोळेंकडे एकाच वेळी तीन कार्यभाराची `किमया'
महापालिकेच्या परिमंडळ २ च्या उपायुक्तपदाचा कार्यभार सहायक आयुक्त शंकर पाटोळे यांच्याकडे आहे. नौपाडा प्रभाग समितीचे सहायक आयुक्तपदी त्यांच्याकडेच आहे. नौपाडा परिसरातील नागरिकांना ते कधीही कार्यालयात भेटत नाहीत. या दोन पदांबरोबरच आता कळवा येथील सहायक आयुक्तपदाचा कार्यभारही सोपविला गेला. त्यामुळे एकाच अधिकाऱ्याकडे तीन पदांचा कार्यभार ठेवण्याची `किमया' महापालिका प्रशासनाने केली आहे. त्यामागील इंगित काय? प्रशासनाच्या दृष्टिकोनातून इतर अधिकारी अकार्यक्षम आहेत का? असा सवाल ज्येष्ठ नगरसेवक संजय वाघुले यांनी केला आहे.
0 टिप्पण्या