जिल्ह्यात महिला व बाल विकास विभागा मार्फत महिनाभर पोषण विषयक उपक्रमाचे नियोजन

जिल्ह्यात महिला व बाल विकास विभागा मार्फत महिनाभर पोषण विषयक उपक्रमाचे नियोजन

ठाणे
गेल्या तीन वर्षांपासून सप्टेंबर महिना हा 'पोषण' माह  म्हणून साजरा केला जातो. ठाणे जिल्हा परिषद महिला व बाल विकास विभागामार्फत ठाणे जिल्ह्याच्या ग्रामीण भागात महिनाभर पोषणाच्या संदर्भात विविध उपक्रम हाती घेतले जातात. यंदा या अभियानाच्या  माध्यमातून  महिनाभर अनेमिया, अतिसार, बाळाचे हजार दिवस, पौष्टीक आहार, स्वच्छता आणि कुपोषण,आदी घटकांसंदार्भात उपक्रम राबविले जाणार आहेत. केंद्र सरकारच्या निर्देशानुसार या अभियानाची  यंदाच्या वर्षी ' कुपोषण मुक्त भारत' ही थीम  आहे.   ठाणे जिल्हा परिषद अध्यक्ष सुषमा लोणे, मुख्य कार्यकारी अधिकारी हिरालाल सोनवणे, उपाध्यक्ष सुभाष पवार, महिला व बाल कल्याण समिती सभापती रत्नप्रभा तारमळे यांच्या मार्गदर्शनाखाली  हे अभियान राबविण्यात येत आहे. मुलांमधील कुपोषण कमी करणे, बुटकेपणा कमी करणे, महिला व किशोरवयीन मुलींमधला अनेमिया कमी करणे आदी या अभियानाचे उद्दिष्ट आहेत. हे अभियान यशस्वीरित्या  राबविण्यासाठी  आरोग्य, शिक्षण, ग्रामपंचायत, शिक्षण, कृषी आदी विभागाचे सहकार्य मिळणार आहे. अशी माहिती जिल्हा कार्यक्रम अधिकारी ( महिला व बाल विकास ) संतोष भोसले यांनी दिली. 

आरोग्य विभागातर्गत अंगणवाडी केंद्र व कार्यक्षेत्रातील 0 ते 6 वर्षे वयोगटातील बालकांचे वजन व उंची मापन करून SAM बालकांची निश्चिती करणे, निश्चिती केलल्या बालकांची  वैद्यकीय अधिकाऱ्यामार्फत तपासणी करून  SAM बालाकांची  VCDC मध्ये दाखल करणे, अंगणवाडी केंद्रावर नियमित लसीकरण सत्र आयोजित करणे, VHSND कार्यक्रम नियमित आयोजित करणे, अंगणवाडी सेविका, आशा व आरोग्य सेविका  यांच्यासोबत अंगणवाडी भेटी व SAM (आठवडयातून 4 वेळा बालकांना  नियमित भेटी देणे, किशोरी मुली व  गरोदर व स्तनदा मातांसाठी ॲनेमिया कँम्पचे आयोजन करणे आदी उपक्रम राबविण्यात येणार आहेत. तर शिक्षण विभाग शाळांमध्ये (पोषण/कुपोषण मुक्ती/परसबागा इ.विषयावर) ऑनलाईन निबंध स्पर्धांचे आयोजन करणे, शाळांमध्ये ऑनलाईन पोस्टर्स स्पर्धांचे आयोजन करणे, शाळांच्या अवती भवती परसबागांचे रोपण करणे आदी उपक्रम राबविण्यात येणार आहेत.

तसेच ग्रामपंचायत विभागाच्या वतीन ICDS क्षेत्रिय यंत्रणा, आशा,ANM,स्थानिक स्वराज्य संस्थेतील प्रतिनिधी ,स्थानिक लोकप्रतिनिधी यांची बैठक वा विशेष सभा आयोजित करून SAM बालकांचे व्यवस्थापन , मनरेगा अंतर्गत परसबागा, अंगणवाडी सुविधा, त्यावर उपाययोजना व पोषण बैठकांचे  आयोजन करण्यात येणार आहे. कृषि विभाग परसबागेसाठी आवश्यक तांत्रिक मदत करणार असून जिल्ह्यात ६४ परसबाग तयार करण्यात येणार आहेत. या उपक्रमा दरम्यान दृकश्राव्य माध्यमातून पोषण बैठकीचे आयोजन करण्यात येणार असून गावातील गरोदर,स्तनदा माता, सहा वर्षा खालील बालक, किशोर वयीन मुली यांच्या पोषणा संदर्भात आढावा घेण्यात येणार आहे. तसेच विविध विषयावर बेबिनार सत्र आयोजित करण्यात येणार आहेत. अंगणवाडी सेविका प्रत्येक कुटुंबाला नियमित गृह भेटी देणार आहेत. शासनाने निर्गमित केलेले कोव्हीड १९ चे नियम पाळून हे अभियान राबविण्यात येणार आहे.