इतर राज्यांना केवळ भूगोल आहे, परंतु महाराष्ट्राला इतिहास आहे

 "या हॉटेलची मालकी स्वतःकडे ठेवण्यात मला काडीचाही रस नाही.... मला इच्छा आहे ती आमच्या देशात असं काही करता येतं हे दाखवण्याची.... इतरांनी पाहून त्यापासून प्रेरणा घ्यावी याची....(ताजमहाल हॉटेल बांधल्यानंतर जमशेदजी टाटांचे उदगार ) 

. इ

 इतर राज्यांना केवळ भूगोल आहे, परंतु महाराष्ट्राला इतिहास आहे, असे कौतुकाने म्हटले जाते. कारण ही भूमी ज्ञानेश्वर, तुकाराम, एकनाथ, नामदेव अशा संतांची, तर आगरकर, कर्वे, फुले, शाहू आंबेडकरांसारख्या सामाजिक सुधारणावादी महापुरुषांची तर गोखले,टिळक, दादाभाई नौरोजी, फिरोजशाह मेथा यांसारख्या राजकारण येथे जन्माला आले. परंतु एकेकाळी सामाजिक व राजकीय लढाईमध्ये देशात अग्रेसर असणारा महाराष्ट्र अथवा दिल्लीचे तख्त राखणारा महाराष्ट्र, मराठी माणूस आज पिछाडीवर पडल्याचे दिसून येत आहे.संयुक्त महाराष्ट्राच्या लढयाने आम्ही मुंबई महाराष्ट्रात राखली, परंतु आज मुंबईमध्ये मराठी भाषा, स्वतःचे अस्तित्व टिकवण्यासाठी मराठी माणसाला झगडावे लागत आहे. याचे मुख्य कारण म्हणजे आर्थिक क्षेत्रात झालेली मराठी माणसाची पीछेहाट. केवळ नोकरीची मानसिकता ठेवल्याने मुंबई मध्ये परवडत नाही म्हणून बदलापूर, विरार पलीकडे मराठी कुटुंबे फेकली जात आहेत.

परंतु आता काळ बदलला आहे.सर्व समाज जरी सुशिक्षित झाला असला तरी पुढील पिढ्याना नोकरीच्या संधी कमी झाल्या आहेत. देशात नव्हे जगभर बेरोजगारी वाढत आहे. त्यामुळे नोकरीची मानसिकता संपवून आपल्यामध्ये उद्योजगीय प्रेरणा वाढण्याची गरज निर्माण झाली आहे. त्यासाठी आज जर हे संस्कार आपण आपल्यावर व पुढील पिढ्यावर निर्माण करू शकलो तर पुढे 20-25 वर्षात आपल्याकडे मोठे उद्योगपती निर्माण होऊ शकतील. या दृष्टीने आजच्या विविध उद्योगपतींचा आदर्श आपल्यावर व पुढील पिढ्यावर होणे आवश्यक आहे. टाटा कुटुंब हे उद्योजगीय धडाडी, नीतिमत्ता व सामाजिक भान व एकूणच सामाजिक विश्वस्त म्हणून आपल्यापुढे आदर्श आहेत. तेव्हा प्रत्येक महिन्यात एक याप्रमाणे 5 भागाचे व्याख्यानमाला आयोजित केली आहे. त्यामध्ये जमशेदजी, दोराब व रतन, जे आर डी व शेवटी रतन टाटा या टाटा परिवारातील उद्योग महर्षीचा आर्थिक, शैक्षणिक व सामाजिक अंगाने अभ्यास करणार आहोत.

• शाम शिरसाट, 
• अध्यक्ष - सम्राट अशोक बुध्दाविहार समिती.