:
रमजानचा महिना असल्यामुळे अनेक पालकांनी आपल्या लहान मुलांना कॅन्टीनमध्ये खाण्यासाठी पैसे दिले होते. दुपारच्या सुमारास या विद्यार्थ्यांनी कॅन्टीनमधले पदार्थ खाल्ले असता त्यांना उलट्या होऊ लागल्या. याबाबत संबंधितांनी माहिती घेतली असता जेवणामध्ये पाल पडली असल्याचे समजले. तिसरी ते चौथीच्या विद्यार्थ्यांना उलट्या, चक्कर येणे, ताप येत असून शेजारील खाजगी दवाखाना आयुष हॉस्पिटल मध्ये उपचार करण्यात येत आहे. तर काहींनी इतर रुग्णालयातून धाव घेतली. घटनास्थळी शाहूनगर पोलीस स्टेशनचे पथक तसेच सायन हॉस्पिटलचे डॉक्टर रुग्णवाहिकेसह या ठिकाणी आले. उर्वरित विद्यार्थ्यांवर देखील उपचार सुरू आहेत. शाहूनगर पोलीस ठाण्याचे अधिकाऱ्यांनी शाळेमध्ये येऊन याबाबत चौकशी केली. मात्र फूड पॉयझन बाबत कोणतीही अधिकृत माहिती आम्ही देऊ शकत नाही असे या अधिकाऱ्यांनी सांगितले. तसेच या सर्व प्रकाराबाबत शाळेने कोणतीही प्रतिक्रिया अथवा जबाब नोंदवला नाही. शाळेचे चेअरमन सायमन यांनी चुप्पी साधली आहे.
0 टिप्पण्या