जगविख्यात बौद्ध भन्ते 'महाथेरो अजाह्य जयासारो 'थायलंड येथून भारत भेटीसाठी आले आहेत. यावेळी त्यांनी विविध भिक्खू संघटनांना भेट दिली. त्यांच्या या भेटीदरम्यान मुंबईमध्ये मेत्ता 'ग्लोबल फाऊंडेशनतर्फे एका भव्य कार्यक्रमाचे आयोजन करण्यात आले होते. दादर येथील शिवाजी मंदिर येथे आयोजित या कार्यक्रमात भिक्खू संघासाठी चिवरदान देखील करण्यात आले. याप्रसंगी भन्ते अजाह्य जयासारो' यांच्या धम्मदेसनेवर आधारित इंग्रजी पुस्तक विदाऊट एन्ड विदीन याचा मराठी अनुवाद केलेल्या पुस्तकांचे प्रकाशन मान्यवरांच्या हस्ते करण्यात आले. त्यानंतर आदरणीय 'महाथेरो अजाह्य जयासारो यांनी उपस्थितांना धम्मदेसना दिली. यावेळी महाउपासक हर्षदीप कांबळे तसेच थायलँडचे भारतीय राजदूत यांच्यासह थायलँड येथून अनेक बौद्ध उपासक तथा उपासिकां या कार्यक्रमाला उपस्थित होत्या.
यावेळी झालेल्या चिवरदान सोहळ्यात उपासक मोठ्या संख्येने स्वहस्ते चिवरदान करून सहभागी झाले. चीवरदान सोहळ्यासाठी उपसकांची नोंदणी आठवडाभर आधीच करण्यात आली होती. चिवरदान कार्यक्रमाला मुंबई आणि आसपासच्या भागातील उपासकांनी उत्तम प्रतिसाद दिला. ज्यांची चिवरदान करण्याची ईच्छा आहे परंतु आर्थिक अडचणीमुळे ज्या उपासकांना चिवर आणणे शक्य नव्हते अश्या उपासकांना ' मोफत चिवर उपलब्ध करून देण्यात आले.
आपल्या देशातील हा धम्म इतर देशात जाऊन फोफावला आज पुन्हा त्यांच्याकडून खूप जोरात या धम्माचा प्रचार केला जात आहे. तो पुन्हा भारतभर पसरविण्याकरिता प्रयत्न केले जात आहेत. त्यासाठी आपण सर्वजण सतर्क राहून हे कार्य अधिक गतिमान करू या असे आवाहनही हर्षदिप कांबळे यांनी केले.
मेत्ता ग्लोबल फाऊंडेशनचे अलोक शेंडे यांनी फाऊंडेशनची भूमिका स्पष्ट केली तर विजय कदम यांनी उत्कृष्टरित्या सूत्रसंचालन केले. मेत्ता ग्लोबल फाऊंडेशनच्या सोनाली रामटेके यांच्यासह अनेकांनी या कार्यक्रमाकरिता आपले योगदान दिले.
0 टिप्पण्या