ठाणे महापालिकेची कळवा, उथळसर प्रभागात फेरीवाल्यांवर धडक कारवाई

    ठाणे: शहरातील फेरीवाल्यांवर धडक कारवाईची मोहिम व्यापक प्रमाणात सुरुच असून आज शहरातील विविध ठिकाणी फेरीवाल्यांवर कारवाई करून हातगाड्या, टपऱ्या तसेच स्टॉल तोडण्यात आले. कारवाईतंर्गत कळवा प्रभाग समितीमधील कळवा स्टेशन रोड ते कळवा भाजी मार्केट, खारेगाव पारसिक नगर, टीएमटी बस डेपो परिसरातील पथ विक्रेते व फेरीवाल्यांवर कारवाई करण्यात आली. वागळे प्रभाग समितीमधील रोड नं १६, किसन नगर नं १,२,३ ते श्रीनगर,आयप्पा मंदिर परिसरातील फेरीवाल्यांवर कारवाई करून ३ हातगाडया, ३२ पावसाळी शेड, ६ टपऱ्या व श्रीनगर येथील अनाधिकृत रिक्षा स्टॅण्डवर निष्कासनाची कारवाई करण्यात आली.

     उथळसर प्रभाग समितीमधील कॅडबरी जंक्शन ते आंबेडकर रोड, खोपट रोडवरील अनधिकृत फेरीवाले हटविण्यात आले व हातगाड्या ५ जप्त करून दुकानासमोरील वाढीव प्लास्टिक शेड निष्कासित करण्यात आले. यासोबतच माजिवडा - मानपाडा प्रभाग समितीमधील कापूरबावडी नाका ते कोलशेत रोड रस्त्याच्या दोन्ही बाजूला रस्त्यावर व पदपथावर असलेले फेरीवाले, अनधिकृत बांधकाम व अतिक्रमण हटविण्याचे कारवाई करण्यात आली असून सदर कारवाईतंर्गत १ लोखंडी बाकडे, ४ ताडपत्री शेड, ५ हातगाड्या, १ लाकडी बाकडे २ पान टपऱ्या निष्कसित करण्यात आल्या तर १ लोखंडी कपाट, १ जाळी काउंटर, १ शेगडी, २ सिलेंडर, २ स्टील काउंटर व १ शोरमा मशीन जप्त करण्यात आले. तसेच दिवा प्रभाग समितीमधील शीळ मुख्य रस्त्यावरील अनधिकृत फेरीवाले तसेच फुटपाथवरील अतिक्रमण हटविण्यात आले. यामध्ये ०७ हातगाड्या, ०३ लाकडी टेबल व ०२ लोखंडी स्टॉल जप्त करण्यात आले  तर ०३ अनधिकृत शेड तोडण्यात आले.

सदरची कारवाई ठाणे महापालिका आयुक्त डॉ. विपिन शर्मा यांच्या आदेशांन्वये अतिक्रमण नियंत्रण व निष्कासन विभागाच्या उप आयुक्त अश्विनी वाघमळे यांच्या मार्गदर्शनाखाली सहाय्यक आयुक्त शंकर पाटोळे, महेश आहेर, विजयकुमार जाधव, संतोष वझरकर आणि अलका खैरे यांनी अतिक्रमण विभागाचे कर्मचारी आणि पोलीस यांच्या साहाय्याने केली.

टिप्पणी पोस्ट करा

0 टिप्पण्या

👋👋👋
सुबोध शाक्यरत्न
:
8108658970......

You may support us in the progress of our services
 Donate us,,,  
G PAY : 8108603260

दैनिक प्रजासत्ताक जनता नियमित वाचनासाठी
Follow this link to join our WhatsApp group: 👇
https://chat.whatsapp.com/Cf2s55RAfdQ0yVYSelRURA

Watch our You Tube channel @janata2010 👇
https://www.youtube.com/channel/UCC-G5bJ0b4kFYfA6UW23t1w

आपल्या परिसरातील, विभागातील जनहिताच्या बातम्या तसेच
संस्था संघटनांचे विविध लोकोपयोगी कार्यक्रमांचे वृत्त प्रसिद्धीकरिता 
खालील इमेलवर पाठवा....👇👇👇
Email - pr.janata@gmail.com

प्रजासत्ताक जनता वर्तमानपत्राचे प्रतिनिधी होण्यासाठी
खालील लिंकवर जाऊन आपला अर्ज भरा....
https://docs.google.com/forms/d/12mZjiz8CXKgopLUTbwz5aCkIF0-ZRJlPfpNb8s6WX6g/edit?pli=1