ठाणे महापालिका आयुक्त डॉ. विपिन शर्मा यांच्या आदेशांन्वये शहरातील अनधिकृत बांधकामांवर धडक कारवाई सुरुच असून आज कळवा प्रभाग समितीमधील खारीगांव परिसरातील अनधिकृत बांधकामे जमीनदोस्त करण्यात आली. तसेच माजीवडा मानपाडा प्रभाग समितीमधील पाणखंडा ओवळा येथील अनधिकृत १ ढाबा जमीनदोस्त करण्यात आला.कळवा प्रभाग समितीमधील खारेगांव परिसरातील तीन वेगवेगळ्या अनधिकृत इमारतीतील ३२ खोल्यांचे बेकायदेशीर बांधकाम जेसीबीच्या साहाय्याने तोडण्यात आले. तसेच तळ अधिक 7 मजली इमारतीचे अनधिकृत बांधकाम जेसीबी तसेच मजुरांच्या साहाय्याने जमीनदोस्त करण्याचे काम चालू आहे. सदर निष्कासनाची कारवाई अतिक्रमण नियंत्रण व निष्कासन विभागाच्या उप आयुक्त अश्विनी वाघमळे यांच्या मार्गदर्शनाखाली सहाय्यक आयुक्त अतिक्रमण निष्कासन . फारुख शेख, सहाय्यक आयुक्त प्रणाली घोंगे यांनी अतिक्रमण विभागाचे कर्मचारी आणि पोलीस यांच्या साहाय्याने केली.
0 टिप्पण्या