उपवन/येऊर येधील लॉज आणि हॉटेलवर तसेच कळवा दत्तवाडी/पारसिक नगरमध्ये ठामपाची कारवाई

 ठाणे महापालिका आयुक्त डॉ. विपिन शर्मा यांच्या आदेशांन्वये शहरातील अनधिकृत बांधकामांवर धडक कारवाई  सुरुच असून आज  उपवन आणि येऊर विभागातील नियमांचे उल्लंघन करणाऱ्या लॉज आणि हॉटेलवर ठाणे मनपाची तोडक कारवाई केली  

 वर्तकनगर प्रभाग समितीमधील लॉज व हॉटेलच्या अनधिकृत बांधकामांवर धडक कारवाई करून बांधकाम तोडण्यात आले. आज वर्तकनगर प्रभाग समितीमधील उपवन येथील शुभम लॉज व येऊरमधील बॉम्बे डक हॉटेलचे अनधिकृत बांधकाम जेसीबीच्या साहाय्याने तोडण्यात आले. 

तसेच कळवा प्रभाग समितीमधील दत्तवाडी येथील शासकीय भूखंडावरील तळ अधिक ७ मजल्याच्या अनधिकृत इमारतीमधील आणि पारसिक नगर येथील तळ अधिक ८ मजल्याच्या अनधिकृत इमारतीतील अनधिकृत खोल्यांचे बांधकाम जेसीबी तसेच मजुरांच्या साहाय्याने तोडण्यात आले.  सदर निष्कासनाची कारवाई अतिक्रमण नियंत्रण व निष्कासन विभागाच्या उप आयुक्त अश्विनी वाघमळे यांच्या मार्गदर्शनाखाली अतिक्रमण निष्कासनचे सहाय्यक आयुक्त फारुख शेख, सहाय्यक आयुक्त सचिन बोरसे आणि प्रणाली घोंगे यांनी अतिक्रमण विभागाचे कर्मचारी आणि पोलीस यांच्या साहाय्याने केली.