आरक्षण रद्द करण्याच्या राज्य सरकारच्या निर्णयाला काँग्रेसचा विरोध

 
मुंबई
 पदोन्नतीच्या मुद्यावर आजच्या मंत्रीमंडळ बैठकीत कोणताही निर्णय झाला नाही.  मंगळवारी उपमुख्यमंत्री अजित पवार यांच्या उपस्थित याबा बत बैठक होणार असल्याची माहिती आहे. या बैठकीत चर्चा केल्यानंतर निर्णय घेतला जाणार आहे. राज्य सरकारने पदोन्नतीतील आरक्षण रद्द करण्याचा निर्णय काही दिवसांपूर्वी घेतला आहे. यावरुन सत्तेत असलेला काँग्रेस पक्ष नाराज आहे. आज पदोन्नतीत आरक्षणाबाबत मंत्रिमंडळ बैठकीत काहीतरी निर्णय होईल अशी अपेक्षा होती, मात्र याबाबत कुठलाही निर्णय आज झाला नाही.  त्यामुळे ऊर्जा मंत्री नितीन राऊत यांच्यासह मंत्री बाळासाहेब थोरात,  वर्षा गायकवाड , यशोमती ठाकूर हे  मुख्यमंत्र्यांच्या भेटीला   वर्षावर पोहोचले आहेत.   आजच्या बैठकीत निर्णय न झाल्याने नितीन राऊत नाराज असल्याची माहिती आहे. नितीन राऊत माध्यमांशी न बोलताच निघून गेले. 

 पदोन्नतीतील आरक्षण रद्द करण्याच्या राज्य सरकारच्या निर्णयाला काँग्रेसचा विरोध आहे आणि त्याच पार्श्वभूमीवर काँग्रेस नेत्यांची  महत्त्वाची बैठक पार पडली. पदोन्नती आरक्षणाच्या मुद्द्यावरुन सत्ताधारी आघाडीमध्ये मतभेद असल्याचं समोर आलं आहे. आज सकाळी नितीन राऊत म्हणाले होते की, "आज राज्य मंत्रिमंडळाची बैठक आहे. तत्पूर्वी काँग्रेस पक्षाची बैठक होईल. या बैठकीत जो निर्णय होईल, तो राज्य मंत्रिमंडळाच्या बैठकीत मांडला जाईल. मंत्रिमंडळ बैठकीत चर्चा होण्यापूर्वी पदोन्नती आरक्षणाच्या मुद्द्यावर चर्चा झाली पाहिजे आणि 7 मे रोजी काढण्यात आलेला जीआर रद्द झाला पाहिजे, ही काँग्रेसची भूमिका असणार आहे. या बैठकीसाठी महाराष्ट्र काँग्रेस कमिटीचे अध्यक्ष नाना पटोलेही या बैठकीला उपस्थित राहतील. चर्चेतून जो निर्णय होईल त्यावरुन पुढची दिशा ठरवली जाईल."

पदोन्नतील आरक्षण या विषयावर कॅबिनेट बैठकीत आज चर्चा झाली.  या विषयावर आता समन्वय समितीत चर्चा होणार आहे.  महाविकास आघाडी सरकारमधील महत्वाच्या विषयांवर समन्वय  समितीत चर्चा होते.  तिन्ही पक्षातील प्रमुख मंत्री या समितीत आहेत.  या समितीत काँग्रेसकडून बाळासाहेब थोरात, अशोक चव्हाण राष्ट्रवादीकडून अजित पवार, जयंत पाटील शिवसेनेकडून सुभाष देसाई, अनिल परब आहेत. 


टिप्पणी पोस्ट करा

0 टिप्पण्या

 🙏दैनिक प्रजासत्ताक जनता नियमित वाचनासाठी

for latest updates...

Follow this link to join our WhatsApp group:

https://chat.whatsapp.com/Cf2s55RAfdQ0yVYSelRURA