संबंध भारतात EVM बंद होईपर्यंत चक्का जाम आंदोलन

मुंबई
 देशात हुकूमशाही आपले वर्चस्व गाजवीत असून लोकशाही धोक्यात आली आहे याला मूळ कारण EVM आहे त्यामुळे संबंध भारतात EVM बंद होईपर्यंत चक्का जाम आंदोलन उभारण्यात यावे असे मत डेमोक्रॅटिक रिपाइंच्या वतीने व्यक्त करण्यात आले आहे., विश्वरत्न डॉ. बाबासाहेब आंबेडकरांच्या संकल्पनेतील रिपब्लिकन पार्टी ऑफ इंडिया या पक्षाचे असंख्य गट झाले असून आंबेडकरी विचारांचा समाज आज गटा तटात विखुरला आहे. यामुळे सत्येपासून दूर तर झालाच आहे पण स्वाभिमान व आत्मविश्वास गमावून बसला असल्याचे मत डेमोक्रॅटिक रिपाइंने व्यक्त केले.

सर्व गटांचे ध्येय, ध्येय आणि उद्दिस्थे डॉ. बाबासाहेब आंबेडकरांचे स्वप्न प्रामाणिकपणे साकार करणे हेच होय, असे असतानाही सर्वांनी स्वतःच्या वेगळ्या चूली मांडन्याचर कारण काय? मनुवादी शक्ती डोकं वर काढून दिन दुबळ्या शेतकरी कष्टकरी नवतरुण यांच्या छाताडावर बसून कचाकचा घाव घालून जगण्याची नैतिक मूल्य संपवत आहे, राष्ट्रीयकरण करण्याऐवजी खाजगिकरणाला महत्व दिले जात आहे. भारतीय संविधान संपवण्यात येत आहे, लोकशाहीचा घोट घेतला जात आहे. आणि विरोधी पक्ष निकामी झालेला दिसत आहे. 

लोकशाही मजबुती कारणासाठी भारतीय संविधान टिकवून संविधानातील तत्वांची अंमलबजावणी होणे फार अगत्याचे आहे. मनुवादी विचारांनी राज्यासह देशात थैमान माजविले असून भारतीय एकात्मता व अखंडतेला बाधित आहे, या विचारांच्या लढाई मध्ये घातपात खून-खराबा केला जात आहे. महिला मागासवर्गीय व आदिवासी आणि मुस्लिम भयभीत झाला आहे.यामुळे RPI च्या सर्व गटानी एकत्र येऊन वेगवेगळ्या पक्षांना सोबत घ्यावे व EVM बंद होत नाही तोपर्यंत संबंध भारतात चक्का जाम आंदोलन करण्यात यावे, याचे नेतृत्व बाळासाहेब आंबेडकरांनी करावे अशी मागणी डेमोक्रॅटिक रिपाइंच्या वतीने करण्यात आली आहे. 

टिप्पणी पोस्ट करा

0 टिप्पण्या