Trending

6/recent/ticker-posts

अखेर आमदार सरनाईक होणार इडीसमोर हजर


 
ठाणे -  मनी लाँड्रिंगच्या संशयावरून दिल्लीतून आलेल्या विशेष पथकाने प्रताप सरनाईक यांच्या घरासह १० ठिकाणी छापे टाकले होते. त्यानंतर ईडीने विहंग सरनाईक यांना ताब्यात घेऊन पाच तास चौकशीही केली होती. त्यानंतर पत्नीची प्रकृती बिघडल्यामुळे विहंग सरनाईक हे रुग्णालयात होते. त्यामुळे तेही चौकशीला हजर नव्हते. पण, आता ते वडिलांसोबत येत्या गुरुवारी ईडीच्या चौकशीला हजर राहणार आहे. ईडी चौकशीत काही कारवाई केली तर ही मोठी घडामोड ठरणार आहे.

 मनी लाँड्रिंग प्रकरणी शिवसेनेचे आमदार प्रताप सरनाईक अखेर अंमलबजावणी संचनालयानं ईडीच्या चौकशीला सामोरं जाण्यासाठी तयार झाले आहेत. गुरुवारी प्रताप सरनाईक आपला मुलगा विहंग याच्यासह चौकशीला उपस्थितीत राहणार आहेत.  ईडीने मंगळवारी पुन्हा एकदा प्रताप सरनाईक यांना समन्स बजावले होते. त्यांना चौकशीसाठी हजर राहण्याची सूचना देण्यात आली होती. त्याचबरोबर त्यांचा मुलगा विहंग यालाही ईडीने चौथ्यांदा समन्स बजावले होते. पण, परदेशातून आल्यामुळे सरनाईक हे होम क्वारंटाइन झाले होते. त्यामुळे आठवड्याभराची मुदत द्यावी, अशी मागणी ईडीकडे केली होती. त्यांच्या क्वारंटाइनची मुदत ही गुरुवारी संपत आहे. त्यामुळे सरनाईक यांनी चौकशीला हजर राहण्याचा निर्णय घेतला आहे.

दरम्यान, ईडीने आतापर्यंत केलेल्या तपासानुसार त्यांनी ईडी कोठडी अहवाल सादर केला आहे. या अहवालात ईडीने थेट प्रताप सरनाईक यांचे नाव घेतले असून प्रताप सरनाईक यांच्यावर ईडी कोठडी अहवालात गंभीर आरोप करण्यात आले आहे. एमएमआरडीए मधील बनावट टॉप्स सुरक्षा रक्षकांची अर्धी रक्कम प्रताप सरनाईकांना जात होती, असा दावा इडीने न्यायालयासमोर केला आहे. अमित चंडोळे याला अटक केल्यानंतर त्याची ईडी कोठडी मिळावी याकरता ईडीने त्यांच्या कोठडी अहवालात प्रताप सरनाईक यांच्यावर गंभीर आरोप केले आहे.

Post a Comment

0 Comments