एंटी रॅगिंग कमिटीच्या रिपोर्टनुसार आरोपींना तात्काळ सस्पेंड करण्याची मागणी

एंटी रॅगिंग कमिटीच्या रिपोर्टनुसार आरोपींना तात्काळ सस्पेंड करण्याची मागणी



मुंबई


डॉ. पायल तडवी आत्महत्या प्रकरणात अँटी रॅगिंग कमिटी जो रिपोर्ट दिला आहे त्यानुसार तीन आरोपींना सस्पेंड करायला हवे होते. पण नायर हॉस्पिटल, राज्य सरकार यांनी कोणतीही कारवाई केली नाही, कारवाई न करणं ही न्यायाची कुचेष्टा आहे. याविरोधात  वंचित बहुजन आघाडी सर्वोच्च न्यायालयात धाव घेणार आहे. एंटी रॅगिंग कमिटीच्या रिपोर्टनुसार तीन आरोपींना तात्काळ सस्पेंड करण्याची मागणी करीता वंचितच्या वतीने नायर रुग्णालयासमोर निदर्शने करण्यात आली. तसेच यासाठी नायरच्या अधिष्ठातांची हकालपट्टी व्हावी अशी मागणीही यावेळी करण्यात आली.  तीन आरोपी पुन्हा आतमध्ये आल्यानंतर चौकशी वर प्रभाव पाडू शकतात असे मत वचिंत बहुजन महिला आघाडीच्या अध्यक्ष रेखा ठाकूर व्यक्त केले. या सगळ्या प्रकरणात वंचित बहुजन आघाडी हस्तक्षेप करणार  असून यासंदर्भात वंचितचे अध्यक्ष अॅड.प्रकाश आंबेडकर सुप्रीम कोर्टात याचिका दाखल करणार असल्याचेही त्या म्हणाल्या. 


  पायलच्या मृत्यू नंतर या तीनही आरोपींनी पुरावे नष्ट करण्याचा प्रयत्न केला व चौकशीमध्ये पोलिसांना सहकार्य न करता त्या फरार झाल्या होत्या. कायदा व न्याय व्यवस्थेला धुडकावून लावण्याच्या आरोपींच्या या कृतीमुळे  नायर वैद्यकीय महाविद्यालयाने त्यांना महाविद्यालयीन परिसरात प्रवेश करण्यास मज्जाव केला होता. आज हे आरोपी मायग्रेशनसाठी न्यायालयाला विनंती करीत आहेत. परंतू त्यांनी जे समाज विघातक गुन्हेगारी कृत्य केल्याचा आरोप त्यांच्यावर आहे व त्यानंतर त्यांचे कायद्याला न जुमानण्याची निर्ढावलेली भूमिका पाहता त्या कोणत्याही सवलतीस पात्र नाहीत. हीच भूमिका वंचित बहुजन आघाडीने मांडली होती .



९ ऑगस्ट ला मुंबई न्यायालयाने जामीन मंजूर केला. प्रत्येकी २ लाख रुपये, एक दिवसाआड हजर राहणे, मुंबई च्या बाहेर प्रवास न करने आणि कॉलेज अथवा हॉस्पिटलमध्ये जाण्यास मनाई या अटीवरती जामीन मंजूर केला. फेब्रुवारी २०२० मध्ये राहिलेले शिक्षण पूर्ण करण्याची परवानगी द्यावी अशी मागणी आरोपी महिलांनी केली. ही मागणी मुंबई न्यायालयाने फेटाळून लावली आणि विशेष न्यायालयाने १० महिन्यामध्ये चाचणी पूर्ण करण्याची मर्यादा घातली.  स्त्रीरोगशास्त्र प्रमुख डॉ. यी. चिंग. लिंग (BYL Nair Hospital) यांची चौकशी करण्याचे पत्र तयार केले आहे. डॉ. चिंग यांच्याकडे पायलने वारंवार तक्रार करून सुद्धा त्यांनी योग्य ती दखल घेतली नसल्याचे चौकशीत समोर आलं. ऑगस्टमध्ये मुंबई पोलिसांनी कोर्टाला यासंदर्भात माहिती दिली. मार्च २०२० मध्ये सुप्रीम कोर्टाकडे आरोपींनी अर्ज केला असता कोर्टाने  ८ ऑक्टोबरला त्यांना राहिलेलं शिक्षण पूर्ण करण्याची परवानगी दिली. महाराष्ट्र सरकार आणि पायल तडवी यांच्या परिवाराने या निर्णयाचा विरोध केला आहे.

 











अकोल्यात डॉ पायल तडवीला न्याय देण्यासाठी 'वंचित'ची निदर्शने व निवेदन!



अकोला - आज वंचित बहुजन आघाडी अकोला जिल्हा तर्फे मानवी हक्क आणि अधिकार यांचा विचार करता डॉ पायल तडवीला न्याय मिळवून देण्यासाठी खालील मागण्यांसाठी आंदोलन करण्यात आले.



1) महाराष्ट्र सरकारने या केसमधे डॉ पायल तडवीला न्याय मिळवून देण्यासाठी सुप्रीम कोर्टात ताबडतोब पुनर्विचार याचिका दाखल करावी.  2) महाराष्ट्र रॅगिंग प्रतिबंधक कायदयानुसार डॉ पायल तडवी आत्महत्या प्रकरणातील तिन्ही आरोपींना दोषी ठरवून त्यांना निलंबित करण्याची रँगिंग विरोधी समितीची शिफारस असतानाही महाविदयालयाचे अधिष्ठाता आणि महाराष्ट्र आरोग्य विज्ञान विद्यापीठाच्या कुलगुरूंनी कायद्यखच्या चौकटीत बसणारे आदेश काढले नाहीत. त्यांच्या या बेजबाबदारपणामुळे आरोपींनी रॅगिंग केल्याचे सिद्ध झालेले असूनही प्रतिबंधक कायदा लागू होत नाही सबब अधिष्ठाता आणि कुलगुरु या दोघांवरही कारवाई करण्यात यावी.  3) डॉ पायल तड़वी आत्महत्या प्रकरणातील तिन्ही आरोपीचे महाराष्ट्र मेडिकल कौन्सिलने वैद्यकीय व्यवसायाचे लायसन्स रद्द करावे.  4) उच्च शिक्षण घेत असताना जातीयवादी मानसिकतेतून दलित आदिवासी इतर मागासवर्गीय विद्यार्थ्यांचा जो छळ केला जातो त्यावर प्रतिबंध आणणारा कायदा असावा,



5) डॉ पायल तडवी ला न्याय देण्यासाठी महाराष्ट्र सरकारने ज्येष्ठ आणि निष्णात वकिलांची नियुक्ती करून विशेष प्रयत्न करावेत. 

 


 

उच्च शिक्षण घेणा-या दलित-आदिवासी, बहुजन समाजातील विद्यार्थ्याचे मानसिक खच्चीकरण करणारी जी प्रवृत्ती आहे त्या प्रवृत्तींना कोणत्याही सवलती न देता कठोर आणि न्यायनिष्ठ भूमिका घेऊन डॉ पायल तडवीला मृत्यूनंतर न्याय मिळावा या रास्त भूमिकेसाठी वंधित बहुजन आघाडी उपरोक्त मागण्यांसाठी मुख्यमंत्र्यांना जिल्हाधिकाऱ्यांमार्फत निवेदन देण्यात आले व निदर्शने देण्यात आले. प्रमुख उपस्थिती प्रदेश महासचिव अरुंधती शिरसाट, जिल्हाध्यक्ष प्रमोद देंडवे, महिला आघाडी जिल्हाध्यक्ष प्रभाताई शिरसाट, महानगर महिला आघाडी अध्यक्ष वंदनाताई वासनिक, महासचिव शोभाताई शेळके, मंतोषताई मोहोळ, सुवर्णाताई जाधव ,प्रीती भगत जि.प.सभापती मनीषा बोर्डे, नगरसेविका किरण बोराखडे, सुनिता धुरंधर, योगिता वानखडे, संगीता खंडारे, पार्वती लहाने, सुरेखा सावदेकर, मंदा वाकोडे, दीपमाला दामोदर, ज्ञानेश्वर सुलताने, दीपक गवई, गजानन गवई, आशिष मांगुळकर, नितीन सपकाळ, गजानन दांडगे, सुरेंद्र खंडारे, सुरेश पाटकर, हिना चौधरी, अशोक शिरसाट, जयश्री नरवाडे, रमाबाई दवणे, संगीता ताजने, छाया तायडे, मंगला शिरसाट, कलीम खान पठाण, अन्वर शेरा, कांचन महाजन, सरला मेश्राम, मंदा वाकोडे संगीता रायबोले, कुणाल राऊत, सुनिता हेरोळे, पवन गवई, रणजीत वाघ उपस्थित होते असे जिल्हा प्रसिद्धी प्रमुख डॉ प्रसन्नजीत गवई यांनी कळविले.












टिप्पणी पोस्ट करा

0 टिप्पण्या

👋👋👋
सुबोध शाक्यरत्न
:
8108658970......

You may support us in the progress of our services
 Donate us,,,  
G PAY : 8108603260

दैनिक प्रजासत्ताक जनता नियमित वाचनासाठी
Follow this link to join our WhatsApp group: 👇
https://chat.whatsapp.com/Cf2s55RAfdQ0yVYSelRURA

Watch our You Tube channel @janata2010 👇
https://www.youtube.com/channel/UCC-G5bJ0b4kFYfA6UW23t1w

आपल्या परिसरातील, विभागातील जनहिताच्या बातम्या तसेच
संस्था संघटनांचे विविध लोकोपयोगी कार्यक्रमांचे वृत्त प्रसिद्धीकरिता 
खालील इमेलवर पाठवा....👇👇👇
Email - pr.janata@gmail.com

प्रजासत्ताक जनता वर्तमानपत्राचे प्रतिनिधी होण्यासाठी
खालील लिंकवर जाऊन आपला अर्ज भरा....
https://docs.google.com/forms/d/12mZjiz8CXKgopLUTbwz5aCkIF0-ZRJlPfpNb8s6WX6g/edit?pli=1