"धर्मवीर भाग २" चित्रपट लवकरच ठाणेकरांच्या भेटीला

  ऐन नवरात्रौत्सवात टेंभीनाक्यावर चित्रिकरण

दोन वर्षांपूर्वी आनंद दिघे यांच्या जीवनावर आधारित 'धर्मवीर मुक्काम पोस्ट ठाणे' हा चित्रपट प्रेक्षकांच्या भेटीला आला होता. या चिञपटाच्या यशानंतर आता 'धर्मवीर भाग २' लवकरच प्रेक्षकांच्या भेटीला येत आहे. या चिञपटाच्या चिञीकरणाची सुरवात रविवारपासून ठाण्यात करण्यात आली.  टेंभीनाका येथील नवराञोत्सवात आनंद दिघे अष्टमीला आरती करायचे. हा सीन आनंद दिघे यांची भूमिका करणार्‍या कलाकार प्रसाद ओक व इतर कलाकारांच्या उपस्थितीत शूट करण्यात आला. यावेळी दिघे यांच्या भूमिकेतील प्रसाद ओकला पाहून  उपस्थितांना आश्चर्याचा धक्का बसला.

हिंदुहृदयसम्राट बाळासाहेब ठाकरे आणि दिघे यांच्यातील गुरु शिष्याचे नाते हे सर्वकाही चित्रपटाच्या पहिल्या भागात प्रेक्षकांना पाहायला मिळाले होते. आता चिञपटाच्या आगामी भागात दिघे यांच्या जीवनातील आणखी विविध घटना उलगडल्या जाणार आहेत. रविवारी नवराञोत्सवाच्या अष्टमीनिमित्त होणाऱ्या आरतीकरिता. अभिनेता प्रसाद ओक याने दिघे यांच्या वेशात गर्दीतून एन्ट्री मारून चित्रीकरणास सुरुवात केली. यावेळी विधानसभा क्षेञप्रमुख हेमंत पवार व शाखाप्रमुख निखिल बुडजडे उपस्थित होते.

आनंद दिघे यांनी जय अंबे मॉ सार्वजनिक धर्मादाय विश्वस्त संस्थेच्या माध्यमातून सुरु केलेल्या नवरात्रोत्सवात दिघे यांच्या हस्ते होणार्‍या अष्टमीच्या आरतीची आठवण जुणे जाणते ठाणेकर आजही सांगतात. तोच प्रसंग प्रसाद ओक यांनी जिवंत करत दिघे यांच्या आनंदाश्रमातून दिघे यांच्याच 'आरमाडा' गाडीतून टेंभी नाक्यावर एन्ट्री घेतली. यावेळी प्रसिध्द सिनेमॅटोग्राफर महेश लिमये यांनी हे क्षण कॅमेर्‍यात कैद केले.  चिञपटाचे दिग्दर्शक आणि लेखक प्रविण तरडे यांनी चिञपटाचा दुसरा भाग लवकरच येणार असल्याची घोषणा रविवारी ठाण्यात संकल्प प्रतिष्ठान आयोजित नवराञोत्सवात केली होती. त्यानुसार लवकरच हा चित्रपट प्रेक्षकांच्या भेटीला येणार असून पहिल्या भागाप्रमाणेच हा भाग देखील दर्शकांच्या पसंतीला उतरेल. असा आशावाद व्यक्त होत आहे. ऐन निवडणुकीच्या हंगामात हा चित्रपट प्रसारित होण्याची शक्यता असल्याने याचा किती फायदा कोणाला होईल याची चर्चा मात्र ठाणेकरामध्ये रंगली होती. 

दरम्यान, आमदारांच्या अपात्रतेबाबत तातडीने सुनावणी वेळापत्रक सादर करा, असे निर्देश सर्वोच्च न्यायालयाने विधानसभा अध्यक्ष राहुल नार्वेकर यांना दिले आहेत. त्यामुळे आमदार अपात्रतेच्या सुनावणीला वेग येण्याची शक्यता आहे. यावरुन शिंदे गटातील आमदार-खासदारांमध्ये धाकधूक वाढली आहे. जर आपण अपात्र झालो, तर भाजपच्या तिकीटावर निवडणूक लढवायची, असा प्लान शिंदे गटाच्या आमदार-खासदारांनी केल्याची चर्चा मंत्रालयात रंगली आहे. .