Trending

6/recent/ticker-posts

आता वाढणार इंटरनेटचा स्पीड... नेटफ्लिक्सवरील सर्वच्या सर्व कंटेट अवघ्या एका सेकंदात डाऊनलोड

१७८ टेराबाईट्स प्रति सेकंद एवढा इंटरनेटचा स्पीड 


नेटफ्लिक्सवरील सर्वच्या सर्व कंटेट अवघ्या एका सेकंदात डाऊनलोड



कोरोनाच्या प्रादुर्भाव होऊ नये म्हणून देश लॉकडाऊन करण्यात आला. मात्र यामुळे व्यवसायीक आणि कंपन्यांचे आर्थिक गणित कोसळले. अनेक कंपन्यांनी हे आर्थिक संकट दुर करण्यासाठी वर्क फ्रॉम होमला प्राधान्य दिले. आजही कमी अधिक प्रमाणात तीच अवस्था आहे. तसेच मुलांच्या शाळाही ऑनलाईन झाल्या आहेत. त्यामुळे इंटरनेटचा देखील वापर खूप प्रमाणात वाढला आहे. मात्र अनेक वेळा इंटरनेटचा स्पीड कमी असल्यामुळे मनस्ताप सहन करावा लागतो. काहीवेळेस नियोजित कामही वेळेत पूर्ण होत नाही.  मग अनेकांच्या मनात इंटरनेटचा स्पीड जास्त असेल तर आपली कामे पटापट होतील असा विचार येतो. यावर अद्यापही बरेच संशोधन सुरू आहे. युनिव्हर्सिटी कॉलेज लंडनमधील संशोधकांनी १७८ टेराबाईट्स (टीबीपीएस) प्रति सेकंद एवढा  इंटरनेटचा स्पीड नोंदवला गेला आहे. हा जगातील सर्वात जास्त स्पीड आहे. याआधी  ऑस्ट्रेलियात सर्वाधिक इंटरनेट स्पीडची नोंद करण्यात आली होती. ४४.२ टीबीपीएस ऐवढा त्या इंटरनेटचा स्पीड नोंदवला गेला होता  सध्याच्या घडीला आपल्या देशात इंटरनेट किमान स्पीड २ एमबीपीएस ऐवढा आहे.


यावरून युनिव्हर्सिटी कॉलेज लंडनमधील संशोधकांनी नोंदवलेल्या सर्वात वेगवान इंटरनेटचा अंदाज बांधता येऊ शकेल. इंटरनेट स्पीड मोजणारा प्रकल्प रॉयल अॅकॅडमी ऑफ इंजिनिअरिंग, एक्सटेरा आणि किड्डी रिचर्सच्या डॉ. लिडिया गाल्डिनो यांनी हाती घेतला होता. १७८ टीबीपीएस ऐवढा इंटरनेटचा स्पीड थक्क करणारा आहे. नेटफ्लिक्सवरील सर्वच्या सर्व कंटेट या स्पीडमुळे अवघ्या एका सेकंदात डाऊनलोड केले जाऊ शकते. युनिव्हर्सिटी कॉलेज लंडनमधील संशोधकांनी इंटरनेटचा स्पीड वाढवण्यासाठी जास्त क्षमतेच्या वेव्हलेंथचा वापर केला. सर्वसामान्यपणे इंटरनेटसाठी फायबर ऑप्टिक केबल्सचा वापर होतो. याशिवाय संशोधकांनी नव्या ऍम्प्लिफाईड तंत्रज्ञानाचाही वापर केला.  ४.५ टेराहर्ट्झची बँडविड्थ सध्याच्या पायभूत सुविधांमध्ये वापरली जाते. काही मोजक्याच ठिकाणी नवी ९ टेराहर्ट्झची बँडविड्थ वापरली जात आहे. पण १६.८ टेराहर्ट्झची बँडविड्थ हे सुपरफास्ट इंटरनेट वापरते. त्यामुळे इंटरनेटचा वेग १२८ टेराहर्ट्झवर पोहोचतो. या सगळ्यामुळे खर्च मोठ्या प्रमाणात वाढेल, असे अनेकांना वाटू शकेल. पण युनिव्हर्सिटी कॉलेज लंडनमधील संशोधकांनी दिलेल्या माहितीनुसार अॅम्प्लिफायरचा वापर करण्यासाठी येणारा खर्च फायबर ऑप्टिक्स केबलसाठी येणाऱ्या खर्चापेक्षा कमी आहे.


Post a Comment

0 Comments