दिवसेंदिवस वाढणाऱ्या वाहनांच्या गर्दीमुळे ठाणे रेल्वे स्थानकाला वाहतूक कोंडीचा मारा सहन करावा लागत आहे. शहरातील सार्वजनिक वाहतूक व्यवस्था पुरेशी नसल्याने अनेकजण खासगी वाहने घेऊन ठाणे रेल्वे स्थानकाच्या दिशेने येत असतात. ठाणे रेल्वे स्थानकाच्या पश्चिमेला रेल्वेचे दुमजली वाहनतळ आहे. तर, पूर्वेला एक वाहनतळ आहे. ही पार्किंग व्यवस्थाही अपुरी पडत आहे. यावर उपाय म्हणून पश्चिमेला आणखी एक वाहनतळ उभारण्याचा निर्णय घेण्यात आला असल्याची माहिती रेल्वे प्रशासनाकडून मिळत आहे.
या कामाची निविदा प्रक्रियाही रेल्वेने सुरू केली असून १ हजार ८८८.४९ चौरस मीटर इतक्या जागेत हे वाहनतळ उभे केले जाणार आहे. प्रत्येकी तीन महिन्यांसाठी १७ लाख २५ हजार ८४१ रुपयांची ही निविदा आहे. त्यामुळे रेल्वेला यातून दर वर्षी सुमारे ७० लाख रुपयांचा महसूल मिळणार आहे. या वाहनतळात सुमारे पाचशे दुचाकी उभ्या राहू शकतात, ठाणे पश्चिमेकडून सर्वात जास्त प्रवासी ये-जा करत असतात. पश्चिमेला दुमजली वाहनतळ आहे. मात्र, या वाहनतळात चारचाकी वाहने उभी राहत नाहीत. त्यामुळे रेल्वे कॉलनी जागेतील हे नवे वाहनतळ उभे राहिल्यास चारचाकी वाहनेही या वाहनतळात उभ्या राहू शकतात अशी माहिती मिळत आहे.
बेकायदा वाहनतळामधून शुल्क वसुली
0 टिप्पण्या