मुंबईत म्हाडा (महाराष्ट्र गृहनिर्माण व क्षेत्रविकास प्राधिकरण) अंतर्गत घर स्वस्त दरात मिळवून देण्याचे आमिष दाखवून शेकडो लोकांना फसविणाऱ्या टोळीचा मोठा घोटाळा उघड झाला आहे. या फसवणुकीत पोलीस दलातील अधिकारी, कर्मचारी तसेच सामान्य नागरिकांचा समावेश असून कोट्यवधी रुपयांची फसवणूक झाल्याची माहिती समोर आली आहे. या टोळीने म्हाडा अंतर्गत वितरित झालेल्या घरांपैकी मृत व्यक्तींच्या किंवा दावा न केलेल्या घरांवर बनावट कागदपत्रे तयार करून ती घरे स्वस्तात मिळवून देण्याचे आश्वासन दिले होते. सरकारी कागदपत्रे तयार करण्याच्या नावाखाली लाखो रुपयांची मागणी करून नागरिकांकडून रक्कम उकळण्यात आली. काही प्रकरणांमध्ये १५ लाख ते ३५ लाख रुपयांपर्यंतची फसवणूक झाल्याचे समोर आले आहे.
या फसवणुकीत बनावट आधार कार्ड, पॅन कार्ड, सरकारी दस्तऐवज आणि स्टॅम्प पेपरवरील खोटी कागदपत्रे वापरून म्हाडा कार्यालयात सादर केली गेल्याचेही प्राथमिक तपासात स्पष्ट झाले आहे. या माध्यमातून काही घरांवर ताबा मिळवून ती घरे पुढे विकण्यात आली. नंतर या घरांवर हक्क मागणाऱ्यांना “अपात्र” ठरविण्याची यंत्रणा राबवून त्यांना बेघर करण्यात आले असल्याचे आरोप आहेत. मुंबई पोलीस आयुक्तांकडे या संदर्भात सविस्तर तक्रारी दाखल झाल्या असून तपास यंत्रणांनी गंभीर दखल घेतली आहे. अनेक पीडित नागरिकांनी पुढे येऊन आपले अनुभव सांगितले आहेत.
या पार्श्वभूमीवर नागरिकांना आवाहन करण्यात येत आहे की *म्हाडा अंतर्गत घर मिळवून देण्याच्या आमिषाला बळी पडू नका. * कोणत्याही व्यक्तीकडे मोठी रक्कम न देता अधिकृत म्हाडा प्रक्रियेची खात्री करूनच व्यवहार करा. *फसवणुकीची शंका आल्यास तत्काळ संबंधित पोलीस ठाण्यात तक्रार द्या. मुंबईतील या प्रकरणामुळे पुन्हा एकदा घर घेण्याच्या प्रक्रियेत पारदर्शकता आणि नागरिकांच्या जागरूकतेची गरज अधोरेखित झाली आहे.
- 15) FIR 295/2016 .चिटींग केस भायखळा पोलीस स्टेशन.
- 16) FIR 230/2016 ..चिटींग केस , सायन पोलीस ठाणे,
- 17) FIR 733/2022- वरळी पोलीस ठाणे .चिटींग केस.
- 18) FIR 245/2023 .अँटॉप हिल पोलीस स्टेशन, चिटींग केस.
- 19) FiR worli in february month 2025.
0 टिप्पण्या