केंद्र सरकारच्या नशामुक्त भारत अभियानाच्या ५ व्या वर्धापनदिनानिमित्त कार्यक्रमास मुंबई विभागातील मुंबई शहर, मुंबई उपनगर, ठाणे, पालघर, सिंधुदुर्ग, रायगड, रत्नागिरी या जिल्ह्यातील सुमारे ८९,००० हून अधिक विद्यार्थी विद्यार्थिनी नशामुक्ती संदर्भात शपथ घेतली. अशी माहिती मा. बाळासाहेब सोळंकी, प्रादेशिक उपायुक्त, समाज कल्याण, मुंबई विभाग, मुंबई यांनी दिली. केंद्र सरकारच्या सामाजिक न्याय व अधिकारिता मंत्रालय नवी दिल्ली यांच्या वतीने भारताला मादक आमली पदार्थ मुक्त बनवण्याच्या दृष्टीकोणातून नशामुक्त भारत अभियानाची सुरवात १५ ऑगस्ट, २०२० रोजी करण्यात आलेली होती. या उपक्रमाला ५ वर्ष पूर्ण झाल्याबद्दल केंद्र सरकारचा मुख्य कार्यक्रम अमृतसर, पंजाब येथे संपन्न झाला. या कार्यक्रमास मा. पंतप्रधान नरेंद्र मोदी यांनी मार्गदर्शन केले.
मुंबई विभागातील सामाजिक न्याय विभागातर्फे मुंबई शहर, मुंबई उपनगर, ठाणे, पालघर, सिंधुदुर्ग, रायगड, रत्नागिरी या जिल्ह्यात सहायक आयुक्त, समाज कल्याण, जिल्हा समाज कल्याण अधिकारी, जिल्हा परिषद यांचे मार्फत संबधित जिल्ह्यातील शासकीय वसतिगृहे, शाळा महाविद्यालये, अनुदानित वसतिगृहे, निवासी शाळा या ठिकाणी १८ नोव्हेबर, २०२५ रोजी नशामुक्त अभियानाबाबत जनजागृती कार्यक्रम घेण्यात आले. या उपक्रमास सुमारे ८९,००० हून अधिक विद्यार्थी – विद्यार्थिनी सहभागी झालेले होते.
0 टिप्पण्या