महाबोधी महाविहार मुक्ती आंदोलन... भायखळ्याहून सुरुवात करण्यास परवानगी नाकारली

 बिहार राज्यातील  महाबोधी महाविहार मुक्ती आंदोलनासाठी मुंबईतील आझाद मैदानामध्ये 14 ऑक्टोबर रोजी  मोर्चा होणारच. अशी घोषणा सर्व राजकीय पक्षातील नेत्यांनी आज मुंबई मराठी पत्रकार भवन येथे पत्रकार परिषदेमध्ये जाहीर केली. मुंबईत होणाऱ्या या आंदोलनाचा मार्ग पोलिसांनी कापला. मूळ ५.५ किमीचा मार्च ७५० मीटरपर्यंत कमी केला. या आंदोलनाला मुंबई पोलिसांनी परवानगी नाकारली असली तरी हा सामाजिक  मोर्चा शांततेत पार पडेल असे केंद्रीय सामाजिक मंत्री रिपब्लिकन पक्षाचे राष्ट्रीय अध्यक्ष रामदास आठवले म्हणाले. यावेळी खासदार चंद्रकांत हंडोरे, खासदार वर्षा गायकवाड, प्रा.जोगेंद्र कवाडे,  राजेंद्र गवई,   आमदार संजय बनसोडे, भाई गिरकर, अविनाश महातेकर, गौतम सोनवणे, तानसेन ननावरे,  नितीन मोरे,  सुनील निर्भवणे, मिलिंद सुर्वे, विलास रुपवते आदी विविध पक्ष तसेच गटांचे नेते यावेळी उपस्थित होते. 

 केंद्रीय सामाजिक न्याय मंत्री रामदास आठवले पुढे म्हणाले की,  बोधगया येथील महाबोधी मंदिर हे युनेस्कोच्या जागतिक वारसा स्थळांपैकी एक आहे - ते ठिकाण जिथे गौतम बुद्धांना सुमारे २५०० वर्षांपूर्वी ज्ञानप्राप्ती झाली असे मानले जाते. या जागेवर केवळ बौद्ध नियंत्रणाची मागणी दीर्घकाळापासून आहे, बोधगयामधील भिक्षू आणि कार्यकर्ते मंदिर ट्रस्टच्या "मुक्ती" म्हणून वर्णन केलेल्या गोष्टीसाठी वारंवार निदर्शने करत आहेत. या कायद्यात सुधारणा करण्याची मागणी सातत्याने होत आहे. मंदिराचे व्यवस्थापन केवळ बौद्धांकडेच यावे यासाठी हे आंदोलन आहे.  1949 चा कायदा रद्द करण्यात यावा, त्यासाठी बिहारचे मुख्यमंत्री नितीश कुमार आणि पंतप्रधान नरेंद्र मोदी यांची भेट घेतली आहे. मात्र हा मोर्चा महाबोधी विहाराचा ताबा पुर्णपणे बौद्धांच्या ताब्यात देण्यात यावा त्यासाठी काढण्यात आला असून संपूर्ण आंबेडकरी रिपब्लिकन जनता पंचशील ध्वजाखाली एकत्र येत आहे. संसदेमध्ये 0 प्रहार मध्ये महाबोधी महाविहार बौद्धांच्या ताब्यात देण्यासाठी चर्चा घडवून आणली. अशी माहिती काँग्रेसच्या खासदार वर्षा गायकवाड यांनी बोलताना दिली. हा मोर्चा नक्कीच यशस्वी होईल, असे खासदार चंद्रकांत हंडोरे यांनी सांगितले.  

बोधगया येथील महाबोधी मंदिराचे पूर्ण नियंत्रण बौद्ध समुदायाकडे सोपवण्याच्या मागणीसाठी मोर्चाचा प्रस्तावित मार्ग. सुरुवातीला हा मोर्चा भायखळ्याच्या जिजामाता उद्यानापासून आझाद मैदानापर्यंत जाण्याचे नियोजन होते, परंतु पोलिसांनी त्याऐवजी मेट्रो सिनेमापासून सुरू होणारा छोटा मार्ग सुचवला आहे.  पोलिस अधिकाऱ्यांनी सांगितले की, लॉजिस्टिक आणि नियामक कारणांमुळे मूळ ५.५ किमीच्या मार्गाला परवानगी देता येत नाही. अधिकाऱ्यांनी सुचवलेला पर्यायी मार्ग अंदाजे ७५० मीटर लांबीचा आहे."मोर्चाच्या तयारीसाठी, आमच्या समितीच्या एका शिष्टमंडळाने पोलिस उपायुक्त (झोन १) डॉ. प्रवीण मुंडे यांची भेट घेऊन मूळ मार्गासाठी परवानगी मागितली. तथापि, ही विनंती नाकारण्यात आली, असल्याची माहिती गौतम सोनावणे यांनी प्रसारमाध्यमांना दिली.