मुंबई मराठी पत्रकार संघ, पत्रकार भवन येथे पत्रकारांसाठी मोफत आरोग्य तपासणी शिबिर

 अखिल महाराष्ट्र राष्ट्रवादी जनरल कामगार युनियन, पत्रकार विभाग व रोटरी क्लब ऑफ बॉम्बे नॉर्थ यांच्या संयुक्त विद्यमाने आणि मुंबई मराठी पत्रकार संघ यांच्या विशेष सहकार्याने गुरुवार, दिनांक १० जुलै, रोजी सकाळी १० ते सायंकाळी ५ या वेळेत, मुंबई मराठी पत्रकार संघ, पत्रकार भवन, आझाद मैदानाजवळ येथे  मोफत आरोग्य तपासणी शिबिराचे आयोजन करण्यात आले आहे. या शिबिरात वैद्यकीय क्षेत्रातील नामवंत डॉक्टर व तज्ज्ञांकडून हृदय व रक्तदाब तपासणी , मधुमेह (शुगर) तपासणी ,रक्तगट व हिमोग्लोबिन तपासणी ,संपूर्ण वैद्यकीय तपासणी, निरोगी राहण्यासाठी वैयक्तिक सल्ला आणि मार्गदर्शन करण्यात येणार आहे. तसेच तपासणीनंतर मोफत औषध वाटप,  इत्यादी सेवा निःशुल्क  दिल्या जाणार आहेत. 

पत्रकार हे समाजाचे चतुर्थ स्तंभ मानले जातात. दिवसरात्र मेहनत करून समाजासाठी माहितीचे दालन खुले ठेवणाऱ्या या योद्ध्यांच्या आरोग्याची काळजी घेणे ही समाजाची जबाबदारी आहे, याच भावनेतून हे एक विधायक पाऊल उचलण्यात आले आहे. या उपक्रमामागे पत्रकार व त्यांच्या कुटुंबीयांचे आरोग्य सुरळीत राहावे, हीच भावना आहे. "आरोग्य हेच खरे धन आहे." या उक्तीला अनुसरून या संधीचा लाभ घेऊन आपल्या आरोग्याची तपासणी करून घ्यावी असे आवाहन अखिल महाराष्ट्र राष्ट्रवादी जनरल कामगार युनियनचे अध्यक्ष सुभाष देसाई यांनी केले आहे.