कर्जबाजारी देशाच्या नागरिकांची स्विस बँकांमध्ये जमा केलेल्या पैशात विक्रमी वाढ

केंद्र सरकारच्याच वेबसाईटवर उपलब्ध माहितीनुसार 31 मार्च 2014 पर्यंत भारत सरकारवर 55.87 लाख कोटी रुपयांचं कर्ज होतं. यात 54.04 लाख कोटींचं देशांतर्गत कर्ज होतं तर 1.82 लाख कोटी रुपयांचं परकीय कर्ज.  2022-23च्या आकडेवारीनुसार सरकारवरचं एकूण कर्ज हे 152.61 लाख कोटी रुपये आहे. यात 148 लाख कोटींचं अंतर्गत कर्ज आणि परदेशी कर्ज सुमारे 5 लाख कोटींचं.  2025 च्या सुरुवातीपर्यंत, भारताचे सध्याचे एकूण कर्ज अंदाजे 181.68 ट्रिलियन (अंदाजे $2.091 ट्रिलियन) आहे, ज्यामध्ये अंतर्गत आणि बाह्य दोन्ही कर्जे समाविष्ट आहेत. अशा कर्जबाजारी भारत देशाच्या नागरिकांनी  2024 मध्ये स्विस बँकांमध्ये  जमा केलेल्या पैशात विक्रमी वाढ झाली आहे. स्विस नॅशनल बँकेच्या ताज्या आकडेवारीनुसार, ही रक्कम 3.5 अब्ज स्विस फ्रँकपर्यंत पोहोचली आहे, जी गेल्या वर्षीच्या तुलनेत तिप्पट आहे. ही वाढ प्रामुख्याने स्विस बँकांच्या स्थानिक शाखांमध्ये आणि इतर वित्तीय संस्थांमध्ये ठेवलेल्या रकमेत दिसून आली आहे. 

भारतीयांच्या वैयक्तिक खात्यांमध्ये जमा झालेल्या पैशात केवळ 11% वाढ झाली आहे आणि ती 34.6 कोटी स्विस फ्रँक (सुमारे 3.675 कोटी रुपये) झाली आहे, जी एकूण रकमेच्या केवळ 10% आहे.  2023 या वर्षी स्विस बँकांमध्ये भारतीय खातेदारांच्या ठेवींमध्ये 70 टक्के घट झाल्याचे जाहीर केले होते. पण, 2024 मध्ये हा आकडा 2021 नंतरच्या सर्वोच्च पातळीला स्पर्श केला आहे. 2021 मध्ये 14 वर्षांतील सर्वोच्च पातळी गाठली होती. ही रक्कम 3.83 अब्ज स्विस फ्रँक होती. गुरुवारी (19 जून) स्वित्झर्लंड सेंट्रल बँकेच्या आकडेवारीनुसार, 2006 मध्ये एकूण रक्कम सुमारे 6.5 अब्ज स्विस फ्रँक इतकी विक्रमी उच्चांकी होती. भारतीय ग्राहकांप्रती स्विस बँकांच्या एकूण देणग्यांच्या डेटामध्ये भारतीय ग्राहकांच्या स्विस बँकांमध्ये असलेल्या सर्व प्रकारच्या निधीचा समावेश आहे, यामध्ये व्यक्ती, बँका आणि कंपन्यांच्या ठेवींचा समावेश आहे. यामध्ये भारतातील स्विस बँकांच्या शाखांचा तसेच ठेव नसलेल्या देणग्यांचा डेटाचा समावेश आहे. 2018 पासून कर बाबींमध्ये स्वित्झर्लंड आणि भारत यांच्यात माहितीची देवाण घेवाण होते. 

तसेत 2018 पासून स्विस वित्तीय संस्थांमध्ये खाते असलेल्या सर्व भारतीय रहिवाशांची तपशीलवार आर्थिक माहिती सप्टेंबर 2019 मध्ये पहिल्यांदाच दिली होती. तेव्हापासून प्रत्येक वर्षी पैसे ठेवणाऱ्यांची माहिती दिली जाते. ग्राहकांच्या ठेवी - ₹3,975 कोटी, इतर बँकांमधून ठेवी - ₹32,000 कोटी, ट्रस्टद्वारे ठेवलेली रक्कम - ₹450 कोटी तर बॉन्ड्स आणि इतर गुंतवणूक उत्पादनांमध्ये - ₹1,450 कोटी  इतकी रक्कम असल्याचे बँकेने जाहीर केले आहे.बँक फॉर इंटरनॅशनल सेटलमेंट्स (BIS) च्या आकडेवारीनुसार, 2024 मध्ये स्विस बँकांमध्ये भारतीय बिगर-बँक ग्राहकांनी ठेवलेली रक्कम 650 कोटी रुपये होती, जी 2023च्या तुलनेत 6% जास्त आहे. पूर्वी हे आकडे अधिक विश्वासार्ह मानले जात होते.  भारत आणि स्वित्झर्लंडमधील स्वयंचलित कर डेटा एक्सचेंज 2018 मध्ये सुरू झाले. या अंतर्गत, दरवर्षी भारतीयांच्या स्विस खात्यांबद्दलची माहिती भारतीय कर अधिकाऱ्यांना दिली जाते. आतापर्यंत शेकडो प्रकरणांमध्ये माहितीची देवाणघेवाण झाली आहे.  स्विस बँकांमध्ये परदेशी ग्राहकांच्या ठेवींच्या बाबतीत भारताचा 2024 मध्ये 48 व्या स्थानावर पोहोचला आहे, जो 2023 मध्ये 67व्या स्थानावर होता. 2022 मध्ये भारत 46 व्या स्थानावर होता. सर्वाधिक परदेशी निधी जमा करणाऱ्या देशांमध्ये ब्रिटन, अमेरिका आणि वेस्ट इंडिज अजूनही पहिल्या 3 स्थानांवर आहेत 

स्विस बँक हे जगातील एकमेव बँक आहे जिथे भ्रष्ट राजकारणी, अधिकारी आणि व्यावसायिक आपला काळा पैसा लपवतात. कारण येथे खातेदाराला दिला जातो एक विचित्र खाते क्रमांक. शिवाय पासबुकवर खाते उघडणाऱ्या व्यक्तीचे नाव लिहिलेले नसून त्याऐवजी क्रमांक दिलेला असतो कारण स्विस बँक आपल्या खातेदाराची ओळख गुप्त ठेवते. म्हणूनच देशात जेव्हा जेव्हा काळ्या पैशाची चर्चा होते, तेव्हा तेव्हा स्वित्झर्लंडमधील बँक म्हणजेच स्विस बँकेचे नाव समोर येते.