सरकारला खरोखरच मातंग समाजाचा कळवळा असेल तर येत्या जून पर्यंत सरकारने आरक्षणाचे वर्गीकरण करून मातंग युवकांना जीवदान द्यावे अशी मागणी पाच मार्च रोजी आझाद मैदानावर निघणाऱ्या "मांगवीर महामोर्चा" द्वारे सरकारकडे करण्यात येणार असल्याचे दलित महासंघाचे डॉ. मच्छिंद्र सकटे यांनी जाहीर केले. याबाबतची माहिती देण्यासाठी आज मुंबई मराठी पत्रकार संघ येथे पत्रकार परिषदेचे आयोजन करण्यात आले होते त्यावेळी ते बोलत होते. यावेळी लाल सैना संघटनेचै कॉ. गणपते मिसे, बन्सीलाल कांबळे आदी मान्यवर उपस्थित होते.
सर्वोच्च न्यायालयाने 01 ऑगस्ट 2024 रोजी दि स्टेट ऑफ पंजाब विरूध्द दविंदरसिंग या निवाडयाद्वारे आरक्षण वर्गीकरणाचा अधिकार राज्याला दिलेला आहे. असं असतांना सरकार अत्यंत कासव गतीने निघालेले आहे त्यामुळे लाखों मातंग युवकांचे आयुष्य उध्वस्त होत आहे. उध्वस्त होणाऱ्या मातंग युवकांना वाचविण्यासाठी महाराष्ट्रातील सर्व मातंग संघटनाच्या सहभागातून "मांगवीरांचा महामोर्चा आझाद मैदानावर पाच मार्च रोजी धडकणार आहे. पाच मार्च हया दिवशी आरक्षण वर्गीकरणासाठी संजयभाऊ ताकतोडे शहीद झाले आहेत. म्हणूनच लाखों मातंगानी हजर राहून शहिदाला अभिवादन करून पुढील लढयाचे रणसिंग फुंकण्याचे अहवान यावेळी मांगवीरांना करण्यात आले.
लाल सैना, राष्ट्रीय लहुजी सेना, मांग गारूडी समाज संघ, जेष्ठ साहित्यीक. अण्णाभाऊ. साठे क्रांती आंदोलन, मातंग क्रांती मोर्चा, महाराष्ट्र, लहुजी सेना, लहुजी स्मारक समिती, मातंग क्रांती मोर्चा, लहु प्रहार संघटना, मातंग एकता आंदोलन, सकल मातंग समाज, मातंग युथ फेडरेशन, मातंग युवा जोडो अभियान, राष्ट्रीय लहुजी सेना, समस्त मातंग समाज, बहुजन जनता पक्ष, लहूजी महासंघ, बहूजन समता पार्टी, लहूजी परिवर्तन आघाडी
महाराष्ट्र मातंग एकता दल, लसाकम, लहूजी समता परिषद, दलित स्वयंसेवक संघ, बहूजन रक्षक दल, लहूजी संघर्ष सेना, जय हो मित्र मंडळ, लहू क्रांती संघर्ष सेना, मातंग समाज समन्वय समिती, अंबूज बटालियन इत्यादी संघटना या आंदोलनात सहभागी होणार आहेत
0 टिप्पण्या