मुंबई महानगरातील हवेची गुणवत्ता बहुतांशी सुधारली आहे. वातावरणीय बदलांमुळे वायू प्रदूषणात वाढ आढळून आल्यानंतर बृहन्मुंबई महानगरपालिकेने बांधकामांसंदर्भात कठोर पावले उचलली होती. त्याचा सकारात्मक परिणाम होवून वायू प्रदूषण नियंत्रणात आल्याने मुंबईत भायखळा, बोरिवली पूर्व या भागांमध्ये बांधकामांवर लावण्यात आलेली सरसकट बंदी आता हटवण्यात आली असल्याची माहिती महानगरपालिका आयुक्त तथा प्रशासक भूषण गगराणी यांनी दिली . मात्र अल्पावधीतच हा निर्बंध हटवल्याने मुंबईमध्ये चर्चेला उधाण आले आहे. लवकरच महापालिकेच्या निवडणुका होणार आहेत त्यामुळे हे निर्बंध मागे घेण्यात आले असा सूरही आता मुंबईकरांनी लावला आहे
0 टिप्पण्या