डॉ. बाबासाहेब आंबेडकर महापरिनिर्वाण दिनी शिवाजी पार्क येथील मैदानावर स्टॉल धारकांना 18% GST लावण्यात आला आहे. हा अन्यायकारक आहे, त्याामुळे स्टॉल धारक चिंताग्रस्त आहेत व याची आंबेडकरी समुदायामध्ये तीव्र नाराजी आहे. दादर चैत्यभुमी येथे महापरिनिर्वाण दिनी संपुर्ण देशातुन बाबासाहेब आंबेडकर यांना आदरांजली वाहण्यासाठी अनुयायी येतात. शिवाजी पार्क मैदानावर स्टॉल लावण्यात येतात. त्यात प्रामुख्याने पुस्तके, कॅलेंडर, बिल्ले, मूर्त्या, संविधानाच्या प्रती व इतर वाचनीय साहित्य विक्री साठी असतात. पुस्तकांची मोठया प्रमाणात विक्री होत असते. त्यातून बाबासाहेब आंबेडकरांचे कार्य, जीवन चरित्र, विचार लोकांपर्यंत पोहोचत आहेत. आषाढी एकादशि निमित्त पंढरपुराला जाणा-या वारक-यांना टोल माफ करण्यात आले. तसेच गणेश उत्सवानिमित्त कोकणात जाणा-या भाविकांना टोल माफ करण्यात आले, मुंबई तील सर्व टोल नाके मुक्त करण्यात आले आहेत. तर मग आंबेडकरी समुदाया सोबत हा दुजाभाव का ? शासनाने हा GST कायम स्वरूपात माफ करावा अशी मागणी रिपाई कार्यकर्ते रमेश सोनावणे, राजेश राऊत, राजेश मोने यांनी प्रशासनाकडे पत्राद्वारे केली आहे.
0 टिप्पण्या