राष्ट्रीय रिपब्लिकन पक्षाच्या केंद्रिय कार्यकारणीवर सचिव म्हणून श्रीकांत नायक यांची निवड
राष्ट्रीय रिपब्लिकन पक्षाचा युतीचा प्रस्ताव महाविकास आघाडी व महायुतीकडे दाखल आहे अनेक वेळा चर्चा / बोलणी देखील झाली आहे परंतु आजपर्यंत कुठलाही निर्णय नाही राज्यातील युती अथवा आघाडीला ही निवडणूक सोपी नाही. तरीही केवळ आपआपल्या संबंधातील लोकांना उमेदवारी देण्याची दोन्हीही बाजू कडून चढाओढ सुरू आहे. राज्यातील दलित, बौद्ध, मुस्लिम , ओ.बी.सी., भटके विमुक्त आदिवासी समूहाला निवडणुकीच्या बाहेर ठेवण्याची कुटील नीती ही दोन्हीही बाजू कडून घेतली जाते की काय अशी स्थिती आहे. राज्यातील गरीब घटकांना राजकीय प्रतिनिधित्व देण्यासाठी येथील प्रस्थापित सत्ताधारी असो अथवा विरोधी पक्ष फारसा अनुकूल नाही केवळ या घटकांची एक गठ्ठा मते घेऊन त्यांना भूलथापा मारून त्यांची निवडणुकीत मते पळविण्याचे (हायजॅक) कुटील व खोडसाळ राजकारण होतांना दिसत आहे. एकीकडे मराठा आंदोलनाने डोके वर काढले आहे तर दुसऱ्या बाजूने ओबीसी समाज देखील आव्हानाची भाषा करू लागला असल्याने जाती-जातीत संघर्ष उभा राहणे छत्रपती शिवाजी महाराज, शाहू महाराज, महात्मा फुले, डॉ. बाबासाहेब आंबेडकर व संतांची भूमी असलेल्या महाराष्ट्राला परवडणारे नाही. राष्ट्रीय रिपब्लिकन पक्ष गरीब घटकांचे नेतृत्व करतांना त्यांना समाजात मानसन्मान प्राप्त करून देण्यासाठी व राजकारणात/समाजकारणात देखील मानाचे स्थान मिळवून देण्यासाठी सज्ज झाला आहे. श्रीकांत नायक यांचा संपर्क महाराष्ट्रात तर आहेच परंतू महाराष्ट्राबाहेर देखील असल्याने पक्ष बांधणी साठी ते उपयोगीच पडणार असल्याची खात्री पक्षाला असल्यानेच त्यांच्यावर केंद्रीय सचिव पदाची जबाबदारी सोपवली असल्याचेही अण्णासाहेब कटारे यांनी शेवटी सांगितले.
0 टिप्पण्या