हे फुटकळ नेते सत्ताधाऱ्यांना जिंकण्यासाठी हवा असलेला कच्चा माल म्हणून उपयोगात येतात

भाजपची निवडणूक जिंकण्याची मुख्य मदार विरोधी मतांची फाटाफूट करण्यावर आहे. मुस्लिम, बौद्ध इत्यादी ज्या लोकसमूहांची मते आपल्याला मिळत नाहीत ती कोणत्याही परिस्थितीत आपल्या मुख्य विरोधकांना ( कॉंग्रेस, राष्ट्रवादी, शीवसेना उबाठा इ.) मिळू नयेत यासाठी भाजपा काहीही करायला, कितीही खर्च करायला, कोणतीही तडजोड करायला तयार असतो. मुख्य विरोधकांतील एखाद्या पक्षाशी मित्रत्वाचे संबंध जोडणारे छोटे पक्ष या बाबतीत भाजपाचे संकटमोचक ठरतात. असे पक्ष भाजपा विरोधी छावणीमध्ये गोंधळ निर्माण करण्यासाठी आणि EVM द्वारे मतविभाजन घडवुन आणण्यासाठी उपयुक्त ठरतात. यासाठी भाजपा अशा पक्षांना आपले Trojan Horse

म्हणुन विरोधी आघाडीत घुसवत असतो. याशिवाय लहान-सहान जातीगटाचे नेतृत्व करणारे कार्यकर्ते, प्रचंड महत्वाकांक्षी वाचावीर, फुटकळ नेते हे भाजपाला निवडणूक जिंकण्यासाठी हवा असलेला कच्चा माल म्हणून उपयोगात येतात. जेथे मुस्लिम मतदार मोठ्या संख्येने आहेत त्या मतदार संघात अपक्ष म्हणुन उभे राहणारे मुस्लिम उमेदवार, जेथे बौद्ध मतदार मोठ्या संख्येने आहेत त्या मतदार संघात अपक्ष म्हणुन उभे राहणारे बौद्ध उमेदवार हे भाजप प्रायोजित असतात. त्यांना होणारा वित्तपुरवठा भाजपा कडून होतो असे अनेकवेळा स्पष्ट झाले आहे. काही ठिकाणी मतदान ओळखपत्र व आधार कार्ड घेऊन या, प्रति माणशी 2-5 हजार घ्या, दुसर्‍या दिवशी मतदान न केल्याची खूण म्हणुन बोटाला शाई लागलेली नाही हे दाखवा व मतदान ओळखपत्र व आधार कार्ड घेऊन जा, हा मार्ग अमलात आणला जातो. (मागील विधानसभा निवडणुकीत एका मतदार संघात अशा 20 हजार मुस्लिम मतदारांना प्रत्येकी 2000 देण्यात आले होते.) अशा प्रकारे बाजारात अगदी माफक किमतीत उपलब्ध असलेला हा मते कुजविणारा कच्चा माल योग्य प्रकारे नष्ट किंवा निष्प्रभावी केल्याशिवाय भाजपाच्या विरोधात निवडणूक जिंकणे सोपे होणार नाही