ठाणे महापालिकेच्यावतीने शहरातील अनधिकृत बांधकामांवर धडक कारवाईची मोहिम सुरु असून आज कळवा प्रभाग समितीमधील ६ अनधिकृत बांधकामे निष्कासित करण्यात आली. या कारवाईतंर्गत कळवा प्रभाग समितीमधील जॅम फॅक्टरी, खारेगाव येथील स्टील्ट अधिक ६ मजली अनधिकृत इमारत तसेच जामा मशिद, कळवा नाका येथील तळ अधिक ४ मजली अनधिकृत इमारतीवर निष्कासनाची कारवाई करण्यात आली. हिरादेवी मंदिर, खारेगाव येथील स्टील्ट अधिक ५ मजली अनधिकृत इमारतीवर निष्कासनाची कारवाई सुरू असून ०७ रूमच्या भिंती तोडण्यात आल्या. यासोबतच मच्छी मार्केट जवळील राज वाईन्सच्या पाठीमागे ओम मयुरेश सोसायटीची स्टील्ट अधिक ८ मजली अनधिकृत इमारतीच्या १४ रुमच्या भिंती तोडण्यात आल्या. तसेच टाकोली मोहल्ला येथील तळ अधिक ९ मजली अनधिकृत इमारतीवर निष्कासनाची कारवाई करण्यात आली. दरम्यान दिवा येथे बांधण्यात आलेल्या २ चाळीमधील अनधिकृत खोल्या तोडण्यात आल्या.
सदर निष्कासनाची कारवाई ठाणे महापालिका आयुक्त डॉ. विपिन शर्मा यांच्या आदेशांन्वये अतिक्रमण नियंत्रण व निष्कासन विभागाच्या उप आयुक्त अश्विनी वाघमळे यांच्या मार्गदर्शनाखाली सहाय्यक आयुक्त फारुख शेख, प्रणाली घोंगे आणि अलका खैरे यांनी अतिक्रमण विभागाचे कर्मचारी आणि पोलीस यांच्या साहाय्याने करण्यात आली.
0 टिप्पण्या