Top Post Ad

कार्यकारी अभियंता हर्षल यादव निलंबित झालेच पाहिजेत - अरुणा प्रकल्पग्रस्तांचे आक्रोश आंदोलन

     वैभववाडी -  अरुणा प्रकल्पाची बेकायदेशीर घळभरणी करून धरणाच्या पाण्यात पाणीसाठा केल्याने प्रकल्पग्रस्तांची सुमारे 130 घरे तब्बल तीन वर्षे अरुणा प्रकल्पात बुडालेली आहेत. आपल्या न्यायहक्कासाठी आंदोलन करणाऱ्या प्रकल्पग्रस्तांची अवहेलना करणाऱ्या कार्यकारी अभियंता हर्षल यादव यांच्या पत्राची  जिल्हाधिकारी कार्यालया समोर होळी करण्यात आली. , कार्यकारी अभियंता हर्षल यादव आणि प्रकल्पग्रस्तांना वेठीस धरणाऱ्या आगलावे निलंबित झालेच पाहिजेत. तत्कालीन कार्यकारी अभियंता राजन डवरी यांच्यावर शांताराम नागप आत्महत्या प्रकरणी सदोष मनुष्यवधाचा गुन्हा दाखल झालाच पाहिजे, आदी घोषणानी जिल्हा मुख्यालय ओरोस परिसर आखवणे, नागपवाडी, भोम गावच्या प्रकल्पग्रस्त आंदोलकांनी स्वातंत्र्यदिनी दणाणुन सोडला होता.

 अरुणा प्रकल्पग्रस्तांना न्याय मिळालाच पाहिजे, बेकायदेशीर घळभरणीची चौकशी झालीच पाहिजे, प्रकल्पात बुडालेल्या घरांची नुकसान भरपाई मिळालीच पाहिजे, कोण म्हणतो देणार नाही, घेतल्या शिवाय राहणार नाही . प्रकल्पग्रस्तांच्या प्रश्नांसाठी 15 ऑगस्ट स्वातंत्र्य दिनी अरुणा प्रकल्पग्रस्तांनी जिल्हाधिकारी कार्यालयावर केलेल्या दे धडक बे धडक आक्रोश आंदोलनाची सिंधुदुर्गचे पालकमंत्री उदय सामंत जिल्हाधिकारी के मंजू लक्ष्मी यांनी दखल घेतली. आंदोलनकर्त्यांची भेट घेऊन येत्या दोन आठवड्यात प्रकल्पावर मिटींग घेऊन प्रश्न सोडविण्याचे ठोस आश्वासन त्यांनी दिले. त्यामुळे सदर आंदोलन तुर्तास मागे घेण्यात आले. 

लढा संघर्षाचा अरुणा प्रकल्पग्रस्तांच्या अस्तीत्वाचा संघटणेचे अध्यक्ष तानाजी कांबळे, सेक्रेकरी अजय नागप, मुंबई अध्यक्ष प्रकाश सावंत, खजीनदार विलास कदम यांनी अरुणा प्रकल्पग्रस्तांचे प्रश्न व समस्या मंत्री महोदय व जिल्हाधिकारी यांचे समोर प्रभावीपणे मांडल्या. त्यानंतर पालकमंत्री उदय सामंत यांनी येत्या दोन आठवड्यात अरुणा प्रकल्पस्थळी ज्या त्या विभागाचे अधिकारी आणि प्रकल्पग्रस्तांची संयुक्त बैठक लावून प्रलंबित प्रश्न निकाली काढले जातील असे ठाम आश्वासन  आंदोलनकर्त्यांना दिले .यावेळी आमदार वैभव नाईक, शिवसेना नेते संदेश पारकर, अतुल रावराणे उपस्थीत होते. आंदोलनात तानाजी कांबळे, प्रकाश सावंत, अजय नागप, विलास कदम, सुरेश आप्पा नागप, राजु नागप, हिरालाल गुरव, अशोक नागप, प्रसन्न नागप, अशोक सावंत, धोंडु नाना नागप, शांताराम नागप, विजय भालेकर. राजाराम नागप, अक्षय नागप, विनोद नागप, श्रीकांत बांद्रे, संतोष कांबळे यांच्यासह शेकडो प्रकल्पग्रस्त सहभागी झाले होते.

टिप्पणी पोस्ट करा

0 टिप्पण्या

 READ / SHARE  / FORWARD 
JANATA  NEWS  xPRESS

निरंतर सेवेच्या आर्थिक मदतीकरिता 
for Donation
G pay 8108603260 

संपादक: सुबोध शाक्यरत्न  
M : 8108658970

Email- pr.janata@gmail.com