Trending

6/recent/ticker-posts

कोव्हिड योद्ध्यांना तसेच को-रो-ना काळात अकस्मित मृत्यू झालेल्यांच्या परिवाराला मिळणार सिडकोची घरे


 
सिडकोच्या नवी मुंबईतील तळोजा नोडमध्ये आर्थिकदृष्ट्या दुर्बल घटक आणि अल्प उत्पन्न गटाकरिता “बुक माय सिडको होम योजना” जाहीर करण्यात आली असून या योजनेतील आर्थिकदृष्ट्या दुर्बल घटकातील सदनिका पंतप्रधान आवास योजनेंतर्गत उपलब्ध आहेत. त्याचप्रमाणे कोव्हिड महामारीच्या काळात जीव धोक्यात घालून सरकारी अधिकारी, पोलिस दलातील कर्मचारी आणि आरोग्य सेवेतील अधिकारी सेवा बजावत आहेत. या कोव्हिड योद्ध्यांच्या कार्याची दखल घेऊन त्यांना सिडकोच्या माध्यमातून घरे राखीव ठेवण्याचा निर्णय नगरविकासमंत्री एकनाथ शिंदे यांनी जाहीर केला.

कोरोना काळात या सर्व घटकांनी अतुलनीय सेवा बजावली आहे. काहींना प्रसंगी जीवही गमवावा लागला आहे. त्यांच्या या कामगिरीची दखल घेऊन तिचा योग्य सन्मान केला पाहिजे, या भावनेने राज्य सरकारने सिडकोच्या माध्यमातून या कोव्हिड योद्ध्यांना घरे उपलब्ध करून देण्याचा निर्णय घेतला असल्याची माहिती शिंदे यांनी दिली. कोव्हिड काळात कोव्हिड योद्ध्याचा आकस्मिक मृत्यू झाला असल्यास त्याची पती/पत्नी अथवा वारसासही या घरांचा लाभ मिळणार असल्याचेही त्यांनी सांगितले. या योजनेचा लाभ घेण्यासाठी अर्जदारांस सक्षम प्राधिकरणाकडून कोव्हिड योद्ध्याचे प्रमाणपत्र सादर करणे बंधनकारक आहे.

 आर्थिकदृष्ट्या दुर्बल घटकातील ८४२ सदनिका, अल्प उत्पन्न गटातील १३८१ सदनिका आणि पोलिसांसाठी अल्प उत्पन्न गटातील १४८२ सदनिका नवी मुंबईतील तळोजा नोडमध्ये  उपलब्ध आहेत. आर्थिकदृष्ट्या दुर्बल घटकातील सदनिकांची किंमत १९.८४ लाख ते २१.५६ लाख रुपये, तर अल्प उत्पन्न गटातील सदनिकांची किंमत २७.९४ लाख ते ३१.४३ लाख रुपये इतकी असणार आहे. या योजनेत आरोग्यसेवा संबंधित कर्मचाऱ्यांसह जिल्हा प्रशासन, पोलिस, होमगार्ड, अंगणवाडी कर्मचारी, लेखा-कोषागारे, अन्न-नागरी पुरवठा, पाणी पुरवठा तसंच स्वच्छता, घरोघरी सर्वेक्षणासाठी नेमलेले अन्य विभागाचे कर्मचारी इत्यादींचा समावेश असल्याचे शिंदे यांनी सांगितले. 





Post a Comment

0 Comments