Trending

6/recent/ticker-posts

वाल्मीकि जयंती निमीत्त व्यसनाधिनता विरोधात जनजागृति

ठाण्यात वाल्मीकि जयंती निमीत्त
व्यसनाधिनता विरोधात जनजागृति करण्याचा युवकांचा संकल्प ! 



ठाणे 
महर्षि वाल्मिकी प्रकट दिनी व्यसनमूक्ती अभियानचे कार्यकर्त्यानी महर्षि वाल्मिकी प्रतिमा समोर दीप प्रज्वलन करून समाजात वाढत जाणारी व्यसनाधिनता विरोधात जनजागृति करण्याचा संकल्प  करण्यात आला. दारुचे प्रमाण वाढत असून तरुण पिढीला यापासून वाचवण्यासाठी व्यसनमुक्ति अभियान तर्फे विविध उपक्रमांद्वारे जनजागरणाची मोहीम सुरू करण्यात येणार असल्याची माहिती अभियानचे अध्यक्ष ललित मारोठीया यांनी यावेळी दिली . कार्यक्रमात बाबूलाल करोतिया, सतपाल मेहरोल, नरसीभाई मकवाना, अजय राठोड, सुनिल दिवेकर, दिलीप चौहान, राहूल कुंड, प्रवीण खैरालिया, राकेश मरोठिया , ओमप्रकाश बहानवाल, अजयवीर,आदीसह व्यसनमूक्ती अभियानचे प्रमुख कार्यकर्ते मोठ्या संख्येने  सहभागी झाले होते. 



यावेळी ज्येष्ठ सामाजिक कार्यकर्ते व अभियानचे सल्लागार जगदीश खैरालिया यांनी मार्गदर्शन केले. समाजात शिक्षणाचे प्रमाण वाढवण्यासाठी, महिलांचे सक्षमीकारण साठी नशामुक्त समाज असणे आवश्यक आहे. बहुसंख्य कुटंबातील कलहाचे कारण व्यसनाधिन व्यक्ती ठरतात. आजच्या युगात  व्यसनमुक्त कुटुंब... व्यसनमुक्त समाज घडवण्यासाठी प्रयत्न करणे ही काळाची गरज आहे. असे श्री खैरालिया यांनी यावेळी मांडले. तरूणानी महर्षि वाल्मिकी जयंतीनिमित्त युवकांनी व्यसनमुक्त समाज घडवण्याचा केलेला निर्धार हा एक आशादायक पाऊल असल्याचे मतही  त्यांनी यावेळी व्यक्त केले.


 


*सरदार वल्लभाई पटेल  व महर्षी वाल्मिकी यांच्या प्रतिमेस पुष्पहार*


    ठाणे - सरदार वल्लभाई पटेल  व महर्षी वाल्मिकी यांच्या जयंतीनिमित्त तसेच माजी पंतप्रधान भारतरत्न स्वर्गीय इंदिरा गांधी यांच्या स्मृतिदिनानिमित्त त्यांच्या प्रतिमेस आज जिल्हाधिकारी कार्यालयात तहसिलदार  राजेंद्र तवटे यांनी पुष्पहार अर्पण करुन आदरांजली वाहिली व राष्ट्रीय संकल्प व राष्ट्रीय एकता दिनानिमित्त उपस्थितांना शपथ दिली.यावेळी  जिल्हाधिकारी कार्यालयातील इतर कर्मचारी उपस्थित होते.

-----------------------------------------------

 

ठाणे महानगरपालिकेच्या विद्यमाने ‘’महर्षी वाल्मिकी जयंती’’



ठाणे महानगरपालिकेच्या विद्यमाने ‘’महर्षी वाल्मिकी जयंती’’ साजरी करण्यात आली. त्या निमित्ताने महापालिकेच्या कै.नरेंद्र बल्लाळ सभागृह येथे ‘’महर्षी वाल्मिकी’’ यांच्या प्रतिमेस पुष्पहार अर्पण करुन अभिवादन करण्यात आले. तसेच  माजी पंतप्रधान स्वर्गीय “श्रीमती इंदिरा गांधी''  यांची पुण्यतिथी आणि 'सरदार वल्लभभाई पटेल' यांच्या जयंतीनिमित्त त्यांच्या प्रतिमेला पुष्पहार अर्पण करुन अभिवादन करण्यात आले. यावेळी उप आयुक्त अशोक बुरपल्ले, इतर महापालिका कर्मचारी तसेच कार्यकर्ते उपस्थित होते.


Post a Comment

0 Comments